บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 16 : PALI ROMAN Aṅ.A. (manoratha.3) Page 195.
Puratthimasamuddādīnaṃ catunnaṃ samuddānaṃ vasena cāturantāya paṭhaviyā issaro. Vijitāvīti vijitasaṅgāmo. Janapado tasmiṃ thāvariyaṃ thirabhāvaṃ pattoti janapadatthāvariyappatto. Parosahassanti atirekasahassaṃ. Sūrāti abhīruno. Vīraṅgarūpāti vīrānaṃ aṅgaṃ vīraṅgaṃ. Viriyassetaṃ nāmaṃ. Vīraṅgaṃ rūpametesanti vīraṅgarūpā. Viriyajātikā viriyasabhāvā mahāviriyā 1- viya akilāsuno divasaṃpi yujjhantā na kilamantīti vuttaṃ hoti. Sāgarapariyantanti cakkavāḷapabbataṃ sīmaṃ katvā ṭhitasamuddapariyantaṃ. Adaṇḍenāti dhanadaṇḍenāpi chejjabhejjānusāsanena satthadaṇḍenapi vināyeva. Asatthenāti ekatodhārādinā paraviheṭhanasatthenapi vināyeva. Dhammena abhivijiyāti ehi kho mahārājāti evaṃ paṭirājūhi sampaṭicchitāgamano "pāṇo na hantabbo"tiādinā dhammeneva vuttappakāraṃ paṭhaviṃ abhivijinitvā. Sukhesinanti 2- sukhapariyesake satte āmanteti. Suññabrahmūpagoti suññabrahma- vimānappatto. 3- Paṭhaviṃ imanti imaṃ sāgarapariyantaṃ mahāpaṭhaviṃ. Asāhasenāti na sāhasiyakammena. Samena manusāsitanti 4- samena kammena anusāsi. 5- Tehi etaṃ sudesitanti tehi saṅgāhakehi mahākāruṇikehi buddhehi etaṃ ettakaṃ ṭhānaṃ sudesitaṃ sukathitaṃ. Paṭhabyoti paṭhavīsāmiko. 10. Bhariyāsuttavaṇṇanā [63] Dasame kevaṭṭo maññe macche vilopetīti 6- kevaṭṭānaṃ macchapacchiṃ otāretvā ṭhitaṭṭhāne jāleva 7- udakato ukkhittamatte macchaggāhakānaṃ mahāsaddo hoti, taṃ sandhāyetaṃ vuttaṃ. Sujātāti visākhāya kaniṭṭhā. Sā neva sassuṃ ādiyatīti sassuyā kattabbaṃ vattaṃ nāma atthi, taṃ na karoti, sassūtipi naṃ @Footnote: 1 cha.Ma. vīriyamayā 2 cha.Ma. sukhesinoti 3 cha.Ma...... vimānūpago @4 Sī. damanusāsiyanti 5 cha.Ma. anusāsiṃ @6 cha.Ma. macchavilopeti 7 cha.Ma. jāle vāThe Pali Atthakatha in Roman Character Volume 16 Page 195. http://84000.org/tipitaka/read/attha_page.php?book=16&page=195&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=16&A=4346&pagebreak=1 http://84000.org/tipitaka/atthapali/rm_line.php?B=16&A=4346&pagebreak=1#p195
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]