romanATTHA book 16 Page 214.

Paṭilomaṃ gacchantena yajitabbassa satrayāgassetaṃ ^1- adhivacanaṃ. Vājamettha pivantīti vājapeyyo. Ekena pariyaññena sattarasahi pasūhi yajitabbassa beluvayūpassa sattarasayutta- dakkhiṇassa ^2- yaññassetaṃ adhivacanaṃ. Natthi ettha aggaḷāti niraggaḷo. Navahi pariyaññehi yajitabbassa saddhiṃ bhūmiyā ca purisehi ca assamedhe vuttavibhavadakkhiṇassa sabbamedhapariyāyanāmassa assamedhavikappassetaṃ adhivacanaṃ. Kalampi te nānubhavanti soḷasinti te sabbepi mahāyāgā ekassa metta- cittassa vipākamahantatāya soḷasiṃ kalaṃ na agghanti, soḷasamaṃ bhāgaṃ na pāpuṇantīti attho. Na jinātīti na attanā parassa jāniṃ karoti. Na jāpayeti na parena parassa jāniṃ kāreti. Mettaṃsoti mettāsamādhicittakoṭṭhāso ^3- hutvā. Sabba- bhūtānanti sabbasattesu. Veraṃ tassa na kenacīti tassa kenaci saddhiṃ akusalaveraṃ vā puggalaveraṃ vā natthi. 2. Paññāsuttavaṇṇanā [2] Dutiye ādibrahmacariyikāyāti maggabrahmacariyassa ādibhūtāya. Paññāyāti vipassanāya. Garuṭṭhāniyanti gāravuppattipaccayabhūtaṃ garubhāvanīyaṃ. Tibbanti bahalaṃ. ^4- Paripucchatīti atthapālianusandhipubbāparāni ^5- pucchati. Paripañhatīti pañhaṃ karoti, idañcidañca paripucchissāmīti vitakketi. Dvayenāti duvidhena. Anānākathikoti anānattakathiko hoti. Atiracchānakathikoti nānāvidhaṃ tiracchānakathaṃ na katheti. Ariyaṃ vā tuṇhībhāvanti ariyatuṇhībhāvo nāma catutthajjhānaṃ sesakammaṭṭhānamanasikāropi pavattati. ^6- Jānaṃ jānātīti jānitabbaṃ jānāti. Passaṃ passatīti passitabbaṃ passati. Piyatāyāti piyabhāvatthāya. Garutāyāti garubhāvatthāya. Bhāvanāyāti bhāvanatthāya guṇa- sambhāvanāya vā. Sāmaññāyāti samaṇadhammatthāya. Ekībhāvāyāti nirantarabhāvatthāya. @Footnote: ¹ Ma. sataghātassetaṃ ² Ma. sattarasasattarasakadakkhiṇassa, cha. sattarasakadakkhiṇassa @³ cha.Ma. mettāyamānacittakoṭṭhāso ⁴ Ma. balavaṃ @⁵ cha.Ma.....pubbāparaṃ ⁶ cha.Ma. vaṭṭati

The Pali Atthakatha in Roman Character Volume 16 Page 214. http://84000.org/tipitaka/read/attha_page.php?book=16&page=214&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=16&A=4764&pagebreak=1 http://84000.org/tipitaka/atthapali/rm_line.php?B=16&A=4764&pagebreak=1#p214