บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 16 : PALI ROMAN An.A. (manoratha.3) Page 215.
3-4. Appiyasuttadvayavannana [3-4] Tatiye appiyapasamsiti appiyajanassa pasamsako vannabhani. Piyagarahiti piyajanassa nindako garahako. Catutthe anavannattikamoti "aho vata mam annena avajaneyyun"ti anavajananakamo. Akalannuti kalakalam 1- na janati, akale katheti. Asuciti asucikayakammadihi samannagato. 5. Pathamalokadhammasuttavannana [5] Pancame lokassa dhammati lokadhamma. Etehi vimutta 2- nama natthi, buddhanampi honti. Tenevaha lokam anuparivattantiti anubandhanti nappajahanti, lokato na nivattantiti attho. Loko ca attha lokadhamme anuparivattatiti ayanca loko ete anubandhati na pajahati, tehi dhammehi na nivattatiti attho. Labho alabhoti labhe agate alabho agatoyevati veditabbo. Ayasadisupi eseva nayo. Avekkhati viparinamadhammeti "viparinamadhamma ime"ti evam avekkhati. Vidhupitati vidhamita viddhamsita. Padanca natvati nibbanapadam janitva. Sammappajanati bhavassa paraguti bhavassa param gato nipphattim matthakam patto, nibbanapadam natvava tam param gatabhavam sammappajanatiti. Imasmim sutte vattavivattam kathitam. 6. Dutiyalokadhammasuttavannana [6] Chatthe ko visesoti kim visesakaranam. Ko adhippayasoti 3- ko adhikap- payogo. Pariyadayati gahetva parinitthapetva. Idhapi vattavivattameva kathitam. 7. Devadattavipattisuttavannana [7] Sattame acirapakkanteti samgham bhinditva nacirapakkante. Arabbhati @Footnote: 1 cha.Ma. kathakalam 2 Ma. mutto, cha. mutta 3 cha.Ma. adhippayasotiThe Pali Atthakatha in Roman Character Volume 16 Page 215. http://84000.org/tipitaka/read/attha_page.php?book=16&page=215&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=16&A=4788&modeTY=2&pagebreak=1 http://84000.org/tipitaka/atthapali/rm_line.php?B=16&A=4788&modeTY=2&pagebreak=1#p215
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]