อรรถกถาเล่มที่ ๑๖ หน้าที่ ๒๓๘.

อุปกณฺณเกติ กณฺณมูเล. อลนฺติ ปฏิกฺเขปวจนํ เหตํ, ^๑- กึ อิมินาติ อตฺโถ. น จ ปเนเตติ เอเต อายสฺมนฺโต ทีฆรตฺตํ อวณฺณกามา หุตฺวา อวณฺณํ ภาสนฺตาปิ อพฺภาจิกฺขนฺตา น ชีรนฺติ ^๒- อพฺภกฺขานสฺส อนฺตํ น คจฺฉนฺตีติ อตฺโถ. อถวา ลชฺชนฏฺเฐน อิทํ ชีรนฺตีติ ^๓- ปทํ ทฏฺฐพฺพํ. น ลชฺชนฺตีติ อตฺโถ. ๓. อสฺสาชานียสุตฺตวณฺณนา [๑๓] ตติเย องฺเคหีติ คุณงฺเคหิ. ตสฺสํ ทิสายํ ชาโต โหตีติ ตสฺสํ สินฺธุ- นทีตีรทิสายํ ชาโต โหติ. อญฺเญปิ ภทฺรา อสฺสาชานียา ตตฺเถว ชายนฺติ. อลฺลํ วา สุกฺขํ วาติ อลฺลติณํ วา สุกฺขติณํ วา. น จ อญฺเญ ^๔- อสฺเส อุพฺเพเชตาติ น อญฺเญ อสฺเส อุพฺเพเชติ น ปหรติ น สหติ ^๕- น กลหํ กโรติ. สาเฐยฺยานีติ สฐภาวา. กูเฏยฺยานีติ กูฏภาวา. ชิเมฺหยฺยานีติ ชิมฺหภาวา. วงฺเกยฺยานีติ วงฺกภาวา. อิจฺจสฺส จตูหิปิ ปเทหิ อสิกฺขิตภาโวว กถิโต. วาหีติ วหนสภาโว ทินฺโนวาท- ปฏิกโร. ยาว ชีวิตมรณปริยาทานาติ ยาว ชีวิตสฺส มรเณน ปริยาทานา. ^๖- สกฺกจฺจํ ปริภุญฺชตีติ อมตํ วิย ปจฺจเวกฺขิตฺวา สมญฺเญว ^๗- ปริภุญฺชติ. ปุริสถาเมนาติอาทีสุ ญาณถามาทโยปิ ^๘- กถิตา. สณฺฐานนฺติ โอสกฺกนํ. ^๙- ๔. อสฺสขฬุงฺกสุตฺตวณฺณนา [๑๔] จตุตฺเถ "เปหี"ติ วุตฺโตติ "คจฺฉา"ติ วุตฺโต. ปิฏฺฐิโต รถํ ปวตฺเตตีติ ^๑๐- ขนฺธฏฺฐิเกน ยุคฺคํ อุปฺปีฬิตฺวา ^๑๑- ปจฺฉิมทิสาภาเคน ^๑๒- รถํ ปวตฺเตนฺโต โอสกฺกติ. ปจฺฉา ลงฺฆิปติ กุพฺพรํ ปหรตีติ ^๑๓- เทฺว ปจฺฉิมปาเท อุกฺขิปิตฺวา เตหิ ปหริตฺวา @เชิงอรรถ: ^๑ ฉ.ม. อยํ ปาโฐ น ทิสฺสติ ^๒ ฉ.ม. น ชิริทนฺติ @^๓ ฉ.ม. ลชฺชนตฺเถ อิทํ ชิริทนฺตีติ ^๔ ฉ.ม. นาญฺเญ ^๕ ฉ.ม. น ฑํสติ @^๖ ฉ.ม. ปริโยสานา ^๗ ฉ. อยํ ปาโฐ น ทิสฺสติ ^๘ ฉ.ม. ญาณถามาทโย @^๙ ฉ.ม. โอสกฺกนํ ปฏิปฺปสฺสทฺธิ ^๑๐ สี. ปฏิวตฺเตตีติ ^๑๑ สี. ขนฺธฏฺฐิโต ยุคฺคํ @อุพฺพฏฺฏิตฺวา ^๑๒ ฉ.ม. ปจฺฉิมภาเคน ^๑๓ ฉ.ม. ปจฺฉา ลงฺฆติ, กุพฺพรํ หนฺตีติ, @ก. ปจฺฉา ลํฆิปติ กุพฺพรํ หนฺตีติ

เนื้อความอรรถกถาฉบับภาษาบาลี อักษรไทย เล่มที่ ๑๖ หน้าที่ ๒๓๘. http://84000.org/tipitaka/read/attha_page.php?book=16&page=238&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=16&A=5321&modeTY=2&pagebreak=1 http://84000.org/tipitaka/atthapali/th_line.php?B=16&A=5321&modeTY=2&pagebreak=1#p238