อรรถกถาเล่มที่ ๑๖ ภาษาบาลี อักษรไทย
องฺ.อ. (มโนรถ.๓)
หน้าที่ ๒๓๙.

รถกุพฺพรํ ภินฺทติ. ติทณฺฑํ ภญฺชตีติ รถสฺส ปุรโต ตโย ทณฺฑกา โหนฺติ,
เต ภญฺชติ. รถีสาย สตฺถึ อุสฺสชฺชิตฺวาติ สีสํ นาเมตฺวา ยุคํ ภูมิยํ ปาเตตฺวา
สตฺถินา รถีสํ ปหริตฺวา. อชฺโฌมทฺทตีติ ทฺวีหิ ปุริมปาเทหิ อีสํ มทฺทนฺโต
ติฏฺฐติ. อุพฺพฏุมํ รถํ กโรตีติ ถลํ วา กณฺฏกฏฺฐานํ วา รถํ อาโรเปติ.
อนาทิยิตฺวาติ อมนสิกตฺวา อคณิตฺวา. มุขาธานนฺติ มุขฏฺฐปนตฺถาย ทินฺนํ
อยสงฺขลิกํ. ขีลฏฺฐายีติ จตฺตาโร ปาเท ถมฺเภ วิย นิจฺจลํ ฐเปตฺวา ขีลฏฺฐานสทิเสน
ฐาเนน ติฏฺฐติ. อิมสฺมึ สุตฺเต วฏฺฏเมว กถิตํ.
                          ๕. มลสุตฺตวณฺณนา
     [๑๕]  ปญฺจเม อสชฺฌายมลาติ อุคฺคหิตมนฺตานํ อสชฺฌายกรณํ มลํ นาม
โหติ. อนุฏฺฐานมลา ฆราติ อุฏฺฐานวิริยาภาโว ฆรานํ มลํ นาม. วณฺณสฺสาติ
สรีรวณฺณสฺส. รกฺขโตติ ยงฺกิญฺจิ อตฺตโน สนฺตกํ รกฺขนฺตสฺส. อวิชฺชา ปรมํ
มลนฺติ ตโต เสสากุสลธมฺมมลโต อฏฺฐสุ ฐาเนสุ อญฺญาณภูตา วฏฺฏมูลสงฺขาตา
พหลนฺธการอวิชฺชา ๑- ปรมํ มลํ. ตโต หิ มลตรํ นาม นตฺถิ. อิมสฺมึปิ สุตฺเต
วฏฺฏเมว กถิตํ.
                        ๖. ทูเตยฺยสุตฺตวณฺณนา
     [๑๖] ฉฏฺเฐ ทูเตยฺยนฺติ ทูตกมฺมํ. คนฺตุมรหตีติ ตํ ทูเตยฺยสงฺขาตํ สาสนํ
ธาเรตฺวา หริตุํ อรหติ. โสตาติ โย ตํ อสฺส สาสนํ ๒- เทติ, ตสฺส โสตา.
สาเวตาติ ตํ อุคฺคณฺหิตฺวา "อิทํ นาม ตุเมฺหหิ วุตฺตนฺ"ติ ปฏิสาเวตา. อุคฺคเหตาติ
สุคฺคหิตํ กตฺวา อุคฺคเหตา. ธาเรตาติ สุธาริตํ กตฺวา ธาเรตา. วิญฺญาตาติ
อตฺถานตฺถสฺส ๓- อตฺถํ ชานิตา. วิญฺญาเปตาติ ปรํ วิชานาเปตา. สหิตา สหิตสฺสาติ
@เชิงอรรถ: ๑ สี. อญฺญาณตา วฏฺฏมูลสงฺขาตมลนฺติ อวิชฺชา, ม. อญฺญาณภูตา
@วฏฺฏมูลสงฺขาตมลนฺธการา อวิชฺชา  ๒ สี.,ก. ยสฺส สาสนํ  ๓ ม. อตฺตนา ตสฺส


เนื้อความอรรถกถาฉบับภาษาบาลี อักษรไทย เล่มที่ ๑๖ หน้าที่ ๒๓๙.
http://84000.org/tipitaka/read/attha_page.php?book=16&page=239&pages=1&modeTY=2&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=16&A=5346&modeTY=2&pagebreak=1
http://84000.org/tipitaka/atthapali/th_line.php?B=16&A=5346&modeTY=2&pagebreak=1#p239