ATTHAKATHA Book 16 : PALI ROMAN
Aṅ.A. (manoratha.3)
Page 24.

Pavattessati, evaṃpi no kulavaṃso ciraṃ ṭhassati. Dāyajjaṃ paṭipajjatīti 1-
kulavaṃsānurūpāya paṭipattiyā attānaṃ dāyajjārahaṃ karonto amhākaṃ santakaṃ dāyajjaṃ
paṭipajjissati. Dakkhiṇaṃ anuppadassatīti pattidānaṃ katvā tatiyadivasato paṭṭhāya dānaṃ
anuppadassati.
      Santo sapparisāti imasmiṃ ṭhāne mātāpitūsu sammā paṭipattiyā santo
sappurisāti veditabbā. Pubbe katamanussaranti mātāpitūhi paṭhamataraṃ kataguṇaṃ
anussarantā. Ovādakārīti mātāpitūhi dinnassa ovādassa kattā. Bhataposīti
yehi bhato, tesaṃ posako. Pasaṃsiyoti diṭṭheva dhamme mahājanena pasaṃsitabbo hoti.
                      10. Mahāsālaputtasuttavaṇṇanā
     [40] Dasame mahāsālāti mahārukkhā. Sākhāpattapalāsena vaḍḍhantīti
khuddakasākhāhi ca pattasaṅkhātena ca palāsena vaḍḍhanti. Araññasminti agāmake
padese. Brahāvaneti mahāvane aṭaviyaṃ 2- sesaṃ sabbattha uttānamevāti.
                         Sumanavaggo catuttho.
                           -----------
                          5. Muṇḍarājavagga
                         1. Ādiyasuttavaṇṇanā
     [41] Pañcamassa paṭhame bhogānaṃ ādiyāti bhogānaṃ ādātabbakāraṇāni.
Uṭṭhānaviriyādhigatehīti uṭṭhānasaṅkhātena viriyena adhigatehi. Bāhābalaparicitehīti
bāhubalena sañcitehi. Sedāvakkhittehīti sede 3- avakkhipetvā 4- uppāditehi.
Dhammikehīti dhammayuttehi. Dhammaladdhehīti dasakusaladhammaṃ akopetvā dhammena 5-
laddhehi. Pīṇetīti pīṇaṃ 6- thūlaṃ karoti. Sesamettha catukkanipāte vuttanayeneva
veditabbaṃ. Dutiyaṃ uttānatthameva.
@Footnote: 1 cha.Ma. paṭipajjissatīti  2 Sī. brahāti mahā, vaneti aṭaviyaṃ, Ma. brahāvaneti aṭaviyaṃ
@3 cha.Ma. sedaṃ  4 Sī. avakkhitvā  5 cha. ayaṃ pāṭho na dissati  6 cha.Ma. pīṇitaṃ


The Pali Atthakatha in Roman Character Volume 16 Page 24.
http://84000.org/tipitaka/read/attha_page.php?book=16&page=24&pages=1&edition=roman
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_rm.php?B=16&A=535&pagebreak=1
http://84000.org/tipitaka/atthapali/rm_line.php?B=16&A=535&pagebreak=1#p24