บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 16 : PALI ROMAN An.A. (manoratha.3) Page 240.
Idam sahitam idam asahitanti evam sahitasahitassa kusalo, upagatanupagatesu cheko sasanam arocento sahitam 1- na sallakkhetva arocenti. Na byathatiti na vedhati na chambhati. Asanditthanti 2- nissandeham vigatasamsayam. Pucchitoti panhatthaya pucchito. 7-8. Bandhanasuttadvayavannana [17] Sattame ronnenati 3- ruditena. Akappenati nivasanaparupanadina vidhanena. Vanabhangenati vanato bhanjitva abhatavanapupphaphaladina pannakarena. Atthamepi eseva nayo. 9. Paharadasuttavannana [19] Navame paharadoti evamnamako. Asurindoti asurajetthako. Asuresu hi vepacitti rahu paharadoti ime tayo jetthaka. Yena bhagava tenupasankamiti dasabalassa abhisambuddhadivasato patthaya "ajja gamissami sve gamissami"ti ekadasavassani atikkamitva dvadasame vasse satthu veranjayam vasanakale "sammasambuddhassa santikam gamissami"ti cittam uppadetva "mama `ajja sve'ti dvadasavassani jatani, handaham idaneva gamissami"ti 4- tamkhanamyeva asuraganaparivuto asurabhavana nikkhamitva diva divasassa yena bhagava tenupasankami, ekamantam atthasiti so kira "tathagatam panham pucchitvaeva dhammakatham 5- sunissami"ti agato, tathagatassa pana ditthakalato patthaya buddhagaravena pucchitum asakkontopi sattharam vanditva ekamantam atthasi. Tato sattha cintesi "ayam paharado mayi akathente pathamataram kathetum na sakkhissati, cinnavasitthaneyeva nam kathasamutthanattham 6- ekam panham pucchissami"ti. @Footnote: 1 Ma. pahitamattham 2 cha.Ma. asandiddhanti @3 cha.Ma. runnenati 4 cha.Ma. gacchamiti @5 cha.Ma. dhammam 6 cha.Ma. samutthapanatthamThe Pali Atthakatha in Roman Character Volume 16 Page 240. http://84000.org/tipitaka/read/attha_page.php?book=16&page=240&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=16&A=5368&modeTY=2&pagebreak=1 http://84000.org/tipitaka/atthapali/rm_line.php?B=16&A=5368&modeTY=2&pagebreak=1#p240
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]