บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
อรรถกถาเล่มที่ ๑๖ ภาษาบาลี อักษรไทย องฺ.อ. (มโนรถ.๓) หน้าที่ ๒๔๖.
อนจฺฉริยํ โข ปน มํ ภนฺเตติ ภนฺเต ยํ มํ เทวตา อุปสงฺกมิตฺวา เอวํ อาโรเจนฺติ, อิทํ น อจฺฉริยํ. ยํ ปนาหํ ตโตนิทานํ จิตฺตสฺส อุณฺณตึ นาภิชานามิ, เอตํ ๑- อจฺฉริยนฺติ วทติ. สาธุ สาธุ ภิกฺขูติ เอตฺถ กิญฺจาปิ ภิกฺขุํ อามนฺเตติ, อุปาสกสฺเสว ปน เวยฺยากรณสมฺปหํสเน เอส สาธุกาโรติ เวทิตพฺโพ. ๒. ทุติยอุคฺคสุตฺตวณฺณนา [๒๒] ทุติเย นาควเนติ ตสฺส กิร เสฏฺฐิโน นาควนํ นาม อุยฺยานํ, โส ตตฺถ ปุเรภตฺตํ คนฺธมาลาทีนิ คาหาเปตฺวา อุยฺยานกีฬํ ๒- กีฬิตุกาโม คนฺตฺวา ปริวาริยมาโน ๓- ภควนฺตํ อทฺทส. สห ทสฺสเนเนวสฺส ปุริมนเยเนว จิตฺตํ ปสีทิ, สุราปาเนน จ อุปฺปนฺนมโท ตํขณํเยว ปหิยฺยิ. ๔- ตํ สนฺธาเยวมาห. โอโณเชสินฺติ อุทกํ หตฺเถ ปาเตตฺวา อทาสึ. อโสโกติ อมุโก. สมจิตฺโตว เทมีติ "อิมสฺส โถกํ ทมฺมิ, ๕- อิมสฺส พหุกนฺ"ติ เอวํ จิตฺตนานตฺตํ น กโรมิ, เทยฺยธมฺมมฺปน เอกสทิสํ กโรมีติ ทสฺเสติ. อาโรเจนฺตีติ อากาเส ฐตฺวา อาโรเจนฺติ. นตฺถิ ตํ สํโยชนนฺติ อิมินา อุปาสโก อตฺตโน อนาคามิผลํ พฺยากโรติ. ๓. ปฐมหตฺถกสุตฺตวณฺณนา [๒๓] ตติเย หตฺถโก อาฬวโกติ ภควตา อาฬวกยกฺขสฺส หตฺถโต หตฺเถหิ สมฺปฏิจฺฉิตตฺตา หตฺถโกติ ลทฺธนาโม ราชกุมาโร. สีลวาติ ปญฺจสีลทสสีเลน สีลวา. จาควาติ จาคสมฺปนฺโน. กจฺจิตฺถ ภนฺเตติ ภนฺเต กจฺจิ เอตฺถ ภควโต พฺยากรณฏฺฐาเน. อปฺปิจฺโฉติ อธิปคมปฺปิจฺฉตาย อปฺปิจฺโฉ. ๔. ทุติยหตฺถกสุตฺตวณฺณนา [๒๔] จตุตฺเถ ปญฺจมตฺเตหิ อุปาสกสเตหีติ โสตาปนฺนสกทาคามิ- อนาคามีนํเยว ๖- อริยสาวกอุปาสกานํ ปญฺจหิ สเตหิ ปริวุโต ภุตฺตปาตราโส @เชิงอรรถ: ๑ ฉ.ม. ตํ เอว ๒ ฉ.ม. อุยฺยานกีฬิกํ ๓ ฉ.ม. ปริจาริยมาโน @๔ ฉ.ม. ปหียิ ๕ ฉ.ม. อยํ ปาโฐ น ทิสฺสติ ๖ ฉ.ม. โสตาปนฺนสกทาคามีนํเยวเนื้อความอรรถกถาฉบับภาษาบาลี อักษรไทย เล่มที่ ๑๖ หน้าที่ ๒๔๖. http://84000.org/tipitaka/read/attha_page.php?book=16&page=246&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=16&A=5510&modeTY=2&pagebreak=1 http://84000.org/tipitaka/atthapali/th_line.php?B=16&A=5510&modeTY=2&pagebreak=1#p246
จบการแสดงผล หน้าที่ ๒๔๖.
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]