Gandhamālāvilepanacuṇṇādīni 1- gahetvā yena bhagavā tenupasaṅkami. Saṅgahavatthūnīti
saṅgaṇhanakāraṇāni. 2- Tehāhanti tehi ahaṃ. Taṃ dāne saṅgaṇhāmīti
naṅgalabalibaddabhattabījādīni ceva gandhamālāvilepanacuṇṇādīni 3- ca datvā saṅgaṇhāmi.
Peyyavācenāti 4- ammatātabhātarabhaginītiādikena kaṇṇasukhena mudukena piyavacanena
saṅgaṇhāmi. Atthacariyāyāti "imassa dānena vā piyavacanena vā kiccaṃ natthi,
atthacariyāya saṅgaṇhitabbayuttako ayan"ti ñatvā uppannakiccanittharaṇasaṅkhātāya
atthacariyāya saṅgaṇhāmi. Samānattatāyāti "imassa dānādīhi kiccaṃ natthi,
samānattatāya saṅgaṇhitabbo ayan"ti ñatvā 5- ekato khādanapivananisajjādīhi
attanā samānaṃ katvā saṅgaṇhāmi. Daliddassa kho no tathā sotabbaṃ
maññantīti daliddassa kiñci dātuṃ vā kātuṃ vā asakkontassa, yathā daliddassa
no tathā sotabbaṃ maññanti, mama pana sotabbaṃ maññanti, dinnovāde tiṭṭhanti,
na me anusāsaniṃ atikkamitabbaṃ maññanti. Yoni kho tyāyanti upāyo kho
te ayaṃ. Imesu pana dvīsupi suttesu satthārā sīlacāgapaññā missikā kathitāti
veditabbā.
5-6. Mahānāmasuttādivaṇṇanā
[25-26] Pañcame atthūpaparikkhī 6- hotīti atthānatthaṃ kāraṇākāraṇaṃ
upaparikkhitā hoti. Chaṭṭhe saddhāsīlacāgā missakā kathitā.
7. Paṭhamabalasuttavaṇṇanā
[27] Sattame ujjhattibalāti ujjhānabalā. Bālānaṃ hi "yaṃ asuko
idañcidañca āha, maṃ so āha, 7- na aññan"ti evaṃ ujjhānameva balaṃ.
@Footnote: 1 cha.Ma. gandhamālavilepanacuṇṇāni 2 Sī. naṅgalabalibaddabhattavatthādīni
@3 cha.Ma. gandhamālamūlādīni 4 cha.Ma. peyyavajjenāti 5 cha.Ma. ayaṃ pāṭho na dissati
@6 cha.Ma. atthūpaparikkhitā 7 Sī. yaṃ assa kodhacittaṃ, tathā maṃ so āha
The Pali Atthakatha in Roman Character Volume 16 Page 247.
http://84000.org/tipitaka/read/attha_page.php?book=16&page=247&pages=1&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=16&A=5533&pagebreak=1
http://84000.org/tipitaka/atthapali/rm_line.php?B=16&A=5533&pagebreak=1#p247
