Appannattesu matugamassa pabbajitatta pancavassasatani saddhammo tittheyya.
Patikacceva pannatta pana aparanipi pancavassasatani thassatiti evam pathamam vuttam
vassasahassameva thassati. Vassasahassanti cetam patisambhidappattakhinasavavaseneva 1-
vuttam, tato pana uttaripi sukkhavipassakakhinasavavasena vassasahassam, anagamivasena vassa-
sahassam, sakadagamivasena vassasahassam, sotapannavasena vassasahassanti evam panca-
vassasahassani pativedhasaddhammo thassati. Pariyattidhammopi taniyeva. Na hi pariyattiya
asati pativedho atthi, napi pariyattiya sati pativedho na hoti. Lingam pana
pariyattiya antarahitayapi ciram pavattissatiti.
2. Ovadasuttavannana
[52] Dutiye bahussutoti idha sakalassapi buddhavacanassa vasena bahussutabhavo
veditabbo. Garudhammanti kayasamsaggam. Ayamettha sankhePo. Bhikkhunovadakavinicchayo
pana samantapasadikaya vuttanayeneva veditabbo.
3. Sankhittasuttavannana
[53] Tatiye saragayati saragatthaya. Viragayati virajjanatthaya. Samyogayati
vatte samyogatthaya. Visamyogayati vatte visamyogabhavatthaya. Acayayati vattassa
vaddhanatthaya. No apacayayati na vattaviddhamsanatthaya. Dubbharatayati dupposanatthaya.
No subharatayati na sukhaposanatthaya. Imasmim sutte pathamavarena vattam kathitam,
dutiyavarena vivattam kathitam. Imina ca pana ovadena gotami arahattam pattati.
4. Dighajanusuttavannana
[54] Catutthe byagghapajjati idamassa namappavenivasena alapanam. Tassa
hi pubbapurisa byagghapathe jatati tasmim kule manussa byagghapajjati vuccanti.
@Footnote: 1 cha.Ma. patisambhidapabhedappattakhinasavanam vaseneva
The Pali Atthakatha in Roman Character Volume 16 Page 265.
http://84000.org/tipitaka/read/attha_page.php?book=16&page=265&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=16&A=5952&modeTY=2&pagebreak=1
http://84000.org/tipitaka/atthapali/rm_line.php?B=16&A=5952&modeTY=2&pagebreak=1#p265
