บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 16 : PALI ROMAN Aṅ.A. (manoratha.3) Page 267.
6. Bhayasuttavaṇṇanā [56] Chaṭṭhe gabbhoti gabbhavāso. Diṭṭhadhammikāpīti sandiṭṭhikāgabbhavāsasadisā punapi manussagabbhā. 1- Samparāyikāpīti ṭhapetvā manussagabbhā sesagabbhe. Ubhayaṃ ete kāmā pavuccantīti bhayañca dukkhañca, bhayañca rogo ca, bhayañca gaṇḍo ca, bhayañca sallañca, bhayañca saṅgo ca, bhayañca paṅko ca, bhayañca gabbho cāti evaṃ ubhayaṃ ete kāmā pavuccanti. Sātarūpenāti kāmasukhena. Palipathanti vaṭṭapalipathaṃ. 2- Atikkammāti imasmiṃ ṭhāne vipassanaṃ vaḍḍhetvā assa bhikkhuno arahattaṃ pattabhāvo gahito. Evarūpaṃ hi pajaṃ 3- jātijarūpetaṃ tīsu bhavesu phandamānaṃ avekkhatīti sutte vaṭṭaṃ kathetvā gāthāsu vivaṭṭaṃ kathitanti. sattamaaṭṭhamāni uttānatthāneva. 9-10. Puggalasuttadvayavaṇṇanā [59-60] Navame ujubhūtoti kāyavaṅkādīnaṃ abhāvena ujuko. Paññāsīla- samāhitoti paññāya ca sīlena ca samannāgato. Yajamānānanti dānaṃ dadantānaṃ. Puññapekkhānanti puññaṃ olokentānaṃ gavesantānaṃ. Opadhikanti upadhivipākaṃ, adhibhūtaṃ vā nappamāṇaṃ. 4- Dasame samukkaṭṭhoti ukkaṭṭho uttamo. Sattānanti sabba- sattānaṃ. Sesamettha 5- uttānamevāti. Gotamīvaggo chaṭṭho --------------- @Footnote: 1 Ma. mānusā 2 Sī. palipanti vaṭṭapalipaṃ 3 Sī. gatapalipaṃ taṃ evarūpaṃ pajaṃ @4 Sī. avibhūtaṃ ṭhānaṃ appamāṇaṃ, cha.Ma. opadhibhūtaṃ ṭhānaṃ appamāṇaṃ 5 cha.Ma. sesaṃ @sabbatthaThe Pali Atthakatha in Roman Character Volume 16 Page 267. http://84000.org/tipitaka/read/attha_page.php?book=16&page=267&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=16&A=5999&pagebreak=1 http://84000.org/tipitaka/atthapali/rm_line.php?B=16&A=5999&pagebreak=1#p267
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]