อรรถกถาเล่มที่ ๑๖ หน้าที่ ๒๖๗.

๖. ภยสุตฺตวณฺณนา [๕๖] ฉฏฺเฐ คพฺโภติ คพฺภวาโส. ทิฏฺฐธมฺมิกาปีติ สนฺทิฏฺฐิกาคพฺภวาสสทิสา ปุนปิ มนุสฺสคพฺภา. ^๑- สมฺปรายิกาปีติ ฐเปตฺวา มนุสฺสคพฺภา เสสคพฺเภ. อุภยํ เอเต กามา ปวุจฺจนฺตีติ ภยญฺจ ทุกฺขญฺจ, ภยญฺจ โรโค จ, ภยญฺจ คณฺโฑ จ, ภยญฺจ สลฺลญฺจ, ภยญฺจ สงฺโค จ, ภยญฺจ ปงฺโก จ, ภยญฺจ คพฺโภ จาติ เอวํ อุภยํ เอเต กามา ปวุจฺจนฺติ. สาตรูเปนาติ กามสุเขน. ปลิปถนฺติ วฏฺฏปลิปถํ. ^๒- อติกฺกมฺมาติ อิมสฺมึ ฐาเน วิปสฺสนํ วฑฺเฒตฺวา อสฺส ภิกฺขุโน อรหตฺตํ ปตฺตภาโว คหิโต. เอวรูปํ หิ ปชํ ^๓- ชาติชรูเปตํ ตีสุ ภเวสุ ผนฺทมานํ อเวกฺขตีติ สุตฺเต วฏฺฏํ กเถตฺวา คาถาสุ วิวฏฺฏํ กถิตนฺติ. สตฺตมอฏฺฐมานิ อุตฺตานตฺถาเนว. ๙-๑๐. ปุคฺคลสุตฺตทฺวยวณฺณนา [๕๙-๖๐] นวเม อุชุภูโตติ กายวงฺกาทีนํ อภาเวน อุชุโก. ปญฺญาสีล- สมาหิโตติ ปญฺญาย จ สีเลน จ สมนฺนาคโต. ยชมานานนฺติ ทานํ ททนฺตานํ. ปุญฺญเปกฺขานนฺติ ปุญฺญํ โอโลเกนฺตานํ คเวสนฺตานํ. โอปธิกนฺติ อุปธิวิปากํ, อธิภูตํ วา นปฺปมาณํ. ^๔- ทสเม สมุกฺกฏฺโฐติ อุกฺกฏฺโฐ อุตฺตโม. สตฺตานนฺติ สพฺพ- สตฺตานํ. เสสเมตฺถ ^๕- อุตฺตานเมวาติ. โคตมีวคฺโค ฉฏฺโฐ --------------- @เชิงอรรถ: ^๑ ม. มานุสา ^๒ สี. ปลิปนฺติ วฏฺฏปลิปํ ^๓ สี. คตปลิปํ ตํ เอวรูปํ ปชํ @^๔ สี. อวิภูตํ ฐานํ อปฺปมาณํ, ฉ.ม. โอปธิภูตํ ฐานํ อปฺปมาณํ ^๕ ฉ.ม. เสสํ @สพฺพตฺถ

เนื้อความอรรถกถาฉบับภาษาบาลี อักษรไทย เล่มที่ ๑๖ หน้าที่ ๒๖๗. http://84000.org/tipitaka/read/attha_page.php?book=16&page=267&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=16&A=5999&modeTY=2&pagebreak=1 http://84000.org/tipitaka/atthapali/th_line.php?B=16&A=5999&modeTY=2&pagebreak=1#p267