ATTHAKATHA Book 16 : PALI ROMAN
An.A. (manoratha.3)
Page 268.

                        7. 2. Bhumicalavagga 1-
                         1. Icchasuttavannana
     [61] Sattamassa pathame pavivittassati kayavivekena vivittassa.
Nirayattavuttinoti katthaci anayattavuttino vipassanakammikassa. Labhayati
catupaccayalabhaya. Soci ca  paridevi cati soki ca paridevi ca. 2- Socicca
parideviccatipi patho. Cuto ca saddhammati tamkhanamyeva vipassanasaddhamma cuto.
Imasmim sutte vattavivattam kathitam.
                          2. Alamsuttavannana
      [62] Dutiye alam attano alam paresanti attano ca paresanca hitapatipattiyam
samattho pariyatto anucchaviko. Khippanisantiti khippam upadhareti khandhadhatuayatanadisu
kathiyamanesu te dhamme khippam janatiti attho. Imasmim sutte samathavipassana
kathita. Puggalajjhasayena pana desanavilasena cetam matthakato patthaya hettha
otarantam kathitanti.
                        3. Sankhittasuttavannana
     [63] Tatiye evamevati nikkaraneneva. Yatha va ayam yacati, evameva.
Moghapurisati mulahapurisa tucchapurisa. Ajjhesantiti yacanti. Anubandhitabbanti
iriyapathanubandhanena 3- anubandhitabbam mam na vijahitabbam mannanti. Ajananattham
apasadento evamaha. Esa kira bhikkhu ovade dinnepi pamadamevanuyunjati,
dhammam sutva tattheva vasati, na samanadhammam katum icchati. Tasma bhagava evam
apasadetva puna yasma so arahattassa upanissayasampanno, tasma tam ovadanto
@Footnote: 1 ka. calavagga  2 ka. soci ca paridevi cati soko ca paridevo ca
@3 cha.Ma. iriyapathanugamanena


The Pali Atthakatha in Roman Character Volume 16 Page 268.
http://84000.org/tipitaka/read/attha_page.php?book=16&page=268&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_rm.php?B=16&A=6019&modeTY=2&pagebreak=1
http://84000.org/tipitaka/atthapali/rm_line.php?B=16&A=6019&modeTY=2&pagebreak=1#p268