อรรถกถาเล่มที่ ๑๖ หน้าที่ ๒๗.

ลเภยฺย. ตถา ตถา ตตฺถ ปรกฺกเมยฺยาติ เตน เตน ตสฺมึ ตสฺมึ ฐาเน ปรกฺกมํ กเรยฺย. กมฺมํ ทฬฺหนฺติ วฏฺฏคามิกมฺมํ มยา ถิรํ กตฺวา อายูหิตํ. สฺวาหํ อิทานิ กินฺติ กโรมีติ เอวํ ปจฺจเวกฺขิตฺวา อธิวาเสยฺยาติ. ๙. โกสลสุตฺตวณฺณนา [๔๙] นวเม อุปกณฺณเกติ กณฺณมูเล. ทุมฺมโนติ ทุฏฺฐุมโน. ปตฺตกฺขนฺโธติ ปติตกฺขนฺโธ. ปชฺฌายนฺโตติ จินฺตยนฺโต. อปฺปฏิภาโณติ นิปฺปฏิภาโณ หุตฺวา. เสสํ เหฏฺฐา วุตฺตนยเมว. ๑๐. นารทสุตฺตวณฺณนา [๕๐] ทสเม อชฺโฌมุญฺจิโตติ อธิโอมุญฺฉิโต ^๑- คิลิตฺวา ปรินิฏฺฐเปตฺวา คหณสภาวาย อติเรกมุจฺฉาย ตณฺหาย สมนฺนาคโต. มหจฺจราชานุภาเวนาติ มหตา ราชานุภาเวน, อฏฺฐารสหิ เสนีหิ ปริวาริโต มหติยา ราชิทฺธิยา ปายาสีติ อตฺโถ. ตคฺฆาติ เอกํสตฺเถ นิปาโต, เอกํเสเนว โสกสลฺลหรโณติ อตฺโถ. อิติ ราชา อิมํ โอวาทํ สุตฺวา ตสฺมึ ฐิโต ธมฺเมน สเมน รชฺชํ กาเรตฺวา สคฺคปรายโน อโหสิ. มุณฺฑราชวคฺโค ปญฺจโม. ปฐมปณฺณาสโก นิฏฺฐิโต. -------------- @เชิงอรรถ: ^๑ สี.,ม. อธิมุจฺฉิโต

เนื้อความอรรถกถาฉบับภาษาบาลี อักษรไทย เล่มที่ ๑๖ หน้าที่ ๒๗. http://84000.org/tipitaka/read/attha_page.php?book=16&page=27&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=16&A=605&modeTY=2&pagebreak=1 http://84000.org/tipitaka/atthapali/th_line.php?B=16&A=605&modeTY=2&pagebreak=1#p27