ATTHAKATHA Book 16 : PALI ROMAN
An.A. (manoratha.3)
Page 280.

                          8. 3. Yamakavagga
                      1-2. Saddhasuttadvayavannana
     [71-72] Atthamassa pathame no ca silavati  na silesu paripurakari.
Samantapasadikoti samantato pasadajanako. Sabbakaraparipuroti sabbehi samanakarehi
samanadhammakotthasehi paripuro. Dutiye santati paccanikasantataya santa. Vimokkhati
paccanikadhammehi vimuttatta ca vimokkha.
                    3-9. Maranassatisuttadvayadivannana
     [73-79] Tatiye bhavetha noti bhavetha nu. Sasananti anusatthi. Asavanam khayayati
arahattaphalatthaya. Catutthe patihitayati 1- patipannaya. So mamassantarayoti so
mama jivitantarayopi, puthujjanakalakiriyam karontassa saggantarayopi maggantarayopi
assa. Satthaka va me vatati sattham viya angamangani kantantiti satthaka. Pancamadini
vuttanayaneva. Navame samsaggaramatati pancavidhe samsagge aramata.
                     10. Kusitarambhavatthusuttavannana
     [80] Dasame kusitavatthuniti kusitassa alasassa vatthuni patittha,
kosajjakarananiti attho. Kammam kattabbam hotiti civaravicaranadikammam kattabbam hoti.
Na viriyam arabhatiti duvidhampi viriyam narabhati. Appattassati jhanavipassanamaggaphala-
dhammassa appattassa pattiya. Anadhigatassati tasseva anadhigatassa adhigamatthaya.
Asacchikatassati tasseva asacchikatassa sacchikaranatthaya. Idam pathamanti idam "handaham
nipajjami"ti evam osidanam pathamam kusitavatthu. Imina nayena sabbattha attho
veditabbo.
@Footnote: 1 cha. patihitayati


The Pali Atthakatha in Roman Character Volume 16 Page 280.
http://84000.org/tipitaka/read/attha_page.php?book=16&page=280&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_rm.php?B=16&A=6299&modeTY=2&pagebreak=1
http://84000.org/tipitaka/atthapali/rm_line.php?B=16&A=6299&modeTY=2&pagebreak=1#p280