อรรถกถาเล่มที่ ๑๖ ภาษาบาลี อักษรไทย
องฺ.อ. (มโนรถ.๓)
หน้าที่ ๒๘๒.

เวทนาสโมสรณา. สมาธิ เอเตสํ ปมุโขติ สมาธิปฺปมุขา. เชฏฺกฏฺเน สติ
อธิปติ ๑- เอเตสนฺติ สตาธิปเตยฺยา, สติเชฏฺกาติ อตฺโถ. ปญฺา อุตฺตรา เอเตสนฺติ
ปญฺุตฺตรา. วิมุตฺติ ๒- สาโร เอเตสนฺติ วิมุตฺตสารา. เอตฺถ จ ฉนฺทมูลกาทโย
จตฺตาโรปิ โลกิยา กถิตา, เสสา โลกิยโลกุตฺตรมิสฺสกาติ.
                         ๔. โจรสุตฺตวณฺณนา
     [๘๔] จตุตฺเถ มหาโจโรติ รชฺชนฺตเร ทุพฺภิตุํ สมตฺโถ มหาโจโร.
ปริยาปชฺชตีติ ปริยาทานํ คจฺฉติ. น จิรฏฺิติโก โหตีติ อทฺธานํ ปาเลนฺโต าตุํ
น สกฺโกติ. อปฺปหรนฺตสฺส ปหรตีติ อตฺตโน อเวริเน อปฺปหรนฺเต คุณสมฺปนฺเน
จ มหลฺลเก จ ตรุณทารเก จ อปฺปหริตพฺพยุตฺตเก ปหรติ. อนวเสสํ อาทิยตีติ
นิสฺเสสํ คณฺหาติ. พฺยตฺตโจรานญฺหิ อิทํ วตฺตํ:- ปรสฺส ทฺวีสุ สาฏเกสุ เอโก
คเหตพฺโพ, เอกสฺมึ สนฺเต ทุพฺพลํ ทตฺวา ถิโร คเหตพฺโพ. ปุฏภตฺตตณฺฑุลาทีสุ
เอกํ โกฏฺาสํ ทตฺวา เอโก คเหตพฺโพติ. อจฺจาสนฺเน กมฺมํ กโรตีติ
คามนิคมราชธานีนํ อาสนฺนฏฺาเน โจริกกมฺมํ กโรติ. น จ นิธานกุสโล
โหตีติ ยํ ลทฺธํ, ตํ ทกฺขิเณยฺเย นิทหิตุํ เฉโก น โหติ, ปรโลกมคฺคํ น โสเธติ.
                         ๕. สมณสุตฺตวณฺณนา
     [๘๕] ปญฺจเม ยํ สมเณนาติ ยํ คุณชาตํ สมเณน ปตฺตพฺพํ. วุสีมตาติ
พฺรหฺมจริยวาสํวุเตน. มุตฺโต โมเจมิ พนฺธนาติ สยํ ๓- สพฺพพนฺธเนหิ มุตฺโต หุตฺวา
มหาชนํปิ ราคาทิพนฺธนโต โมเจมิ. ปรมทนฺโตติ อญฺเน เกนจิ อสิกฺขาปิโต
อโจทิโต สยมฺภุาเณน ปฏิวิชฺฌิตฺวา ปรมทมเถน ทนฺตตฺตา ปรมทนฺโต นาม.
ปรินิพฺพุโตติ กิเลสปรินิพฺพาเนน ปรินิพฺพุโต.
@เชิงอรรถ: ๑ ม. อธิปเตยฺยา  ๒ ฉ.ม. วิมุตฺติเอว ๓ ฉ.ม. อหํ


เนื้อความอรรถกถาฉบับภาษาบาลี อักษรไทย เล่มที่ ๑๖ หน้าที่ ๒๘๒.
http://84000.org/tipitaka/read/attha_page.php?book=16&page=282&pages=1&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=16&A=6341&pagebreak=1
http://84000.org/tipitaka/atthapali/th_line.php?B=16&A=6341&pagebreak=1#p282