บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
อรรถกถาเล่มที่ ๑๖ ภาษาบาลี อักษรไทย องฺ.อ. (มโนรถ.๓) หน้าที่ ๒๘๓.
๖. ยสสุตฺตวณฺณนา [๘๖] ฉฏฺเฐ มา จ มยา ยโสติ ยโส จ มยา สทฺธึ มา คญฺฉิ. อกสิรลาภีติ วิปุลลาภี. สีลปญฺญาณนฺติ สีลญฺเจว ปญฺญาณญฺจ. ๑- สงฺคมฺมาติ สนฺนิปติตฺวา. สมาคมฺมาติ สมาคนฺตฺวา. สงฺคณิกวิหารนฺติ คณสงฺคณิกวิหารํ. น หิ นูนเมติ น หิ นูน อิเม. ตถา หิ ปนเมติ ตถา หิ ปน อิเม. องฺคุลิปโฏทเกนาติ ๒- องฺคุลิปโฏทยฏฺฐึ กตฺวา วิชฺฌเนน. สญฺชคฺฆนฺเตติ ๓- มหาหสิตํ หสนฺเต. สงฺกีฬนฺเตติ เกฬึ กโรนฺเต. ๗. ปตฺตนิกุชฺชนสุตฺตวณฺณนา [๘๗] สตฺตเม นิกฺกุชฺเชยฺยาติ เตน ทินฺนสฺส เทยฺยธมฺมสฺส อปฺปฏิคฺคหณตฺถํ ปตฺตนิกฺกุชฺชนกมฺมวาจาย นิกฺกุชฺเชยฺย, น อโธมุขฏฺฐปเนน. อลาภายาติ จตุนฺนํ ปจฺจยานํ อลภนตฺถาย. ๔- อนตฺถายาติ อุปทฺทวาย อวฑฺฒิยา. อุกฺกุชฺเชยฺยาติ อุกฺกุชฺชนกมฺมวาจาย อุกฺกุชฺเชยฺย. ๘. อปฺปสาทปเวทนียสุตฺตวณฺณนา [๘๘] อฏฺฐเม อปฺปสาทํ ปเวเทยฺยุนฺติ อปฺปสนฺนภาวํ สญฺชานาเปยฺยุํ ๕- อปฺปสาทํ ปเวเทนฺเตน ปน กึ กาตพฺพนฺติ? นิสินฺนาสนโต น อุปฏฺฐาตพฺพํ น วนฺทิตพฺพํ น ปจฺจุคฺคมนํ กาตพฺพํ, น เทยฺยธมฺโม ทาตพฺโพ. อโคจเรติ ปญฺจวิเธ อโคจเร. ๙. ปฏิสารณียสุตฺตวณฺณนา [๘๙] นวเม ธมฺมิกญฺจ คิหิปฏิสฺสวนฺติ "อิมํ เตมาสํ อิเธว วสิตพฺพนฺ"ติ วุตฺเต "เอวํ โหตู"ติอาทินา นเยน ปฏิสฺสุตํ ๖- ปฏิสฺสวํ. น สจฺจาเปตีติ วุตฺตํ น สจฺจํ กโรติ วิสํวาเทติ. @เชิงอรรถ: ๑ ฉ.ม. ญาณญฺจ ๒ ฉ.ม. องฺคุลิปโตทเกหีติ องฺคุลิปโตทยฏฺฐึ @๓ ฉ.ม. สญฺชคฺฆนฺเตติ ๔ ฉ.ม. อลาภตฺถาย @๕ ฉ.ม. ชานาเปยฺยุํ ๖ ฉ.ม. อยํ ปาโฐ น ทิสฺสติเนื้อความอรรถกถาฉบับภาษาบาลี อักษรไทย เล่มที่ ๑๖ หน้าที่ ๒๘๓. http://84000.org/tipitaka/read/attha_page.php?book=16&page=283&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=16&A=6362&modeTY=2&pagebreak=1 http://84000.org/tipitaka/atthapali/th_line.php?B=16&A=6362&modeTY=2&pagebreak=1#p283
จบการแสดงผล หน้าที่ ๒๘๓.
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]