บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 16 : PALI ROMAN Aṅ.A. (manoratha.3) Page 290.
Vocaritāti manodvāre samudācārappattā. Atthikassāti dhammadesanāya atthikassa. Ājīvitabhayanti 1- jīvitavuttibhayaṃ. Asilokabhayanti garahābhayaṃ. Parisasārajjabhayanti parisaṃ patvā sārajjaokkamanabhayaṃ. Imasmiṃ sutte vaṭṭavivaṭṭaṃ kathitaṃ. 6. Sevanāsuttavaṇṇanā [6] Chaṭṭhe jīvitaparikkhārāti jīvitasambhāRā. Samudānetabbāti samāharitabbā. Kasirena samudāharantīti 2- dukkhena uppajjanti. Rattibhāgaṃ vā divasabhāgaṃ vāti ettha rattibhāge ñatvā rattibhāgeyeva pakkamitabbaṃ, rattiṃ caṇḍavāḷādiparipanthe sati aruṇuggamanaṃ āgametabbaṃ. Divasabhāge ñatvā divā pakkamitabbaṃ, divā paripanthe sati suriyatthaṅgamanaṃ āgametabbaṃ. Saṅkhāpīti sāmaññatthassa bhāvanāparipūriāgamanaṃ jānitvā. So puggaloti padassa pana "nānubandhitabbo"ti iminā sambandho. Anāpucchāti idha pana taṃ puggalaṃ anāpucchā pakkamitabbanti attho. Api panujjamānenāti api nikkaḍḍhiyamānena. Evarūpo hi puggalo sacepi dārukalāpasataṃ vā udakaghaṭasataṃ vā vālikāghaṭasataṃ vā daṇḍaṃ āropeti, mā idha vasīti nikkaḍḍhāpeti vā, taṃ khamāpetvāpi yāvajīvaṃ so anubandhitabbopi 3- na vijahitabbo. 7. Sutavāsuttavaṇṇanā [7] Sattame pañca ṭhānāni ajjhācaritunti pañca kāraṇāni atikkamituṃ pāṇanti antamaso kunthakipillikaṃ. Adinnanti antamaso tiṇasalākampi parasantakaṃ. Theyyasaṅkhātanti theyyacittenapi. Sannidhikārakaṃ kāme paribhuñjitunti sannidhiṃ katvā ṭhapetvā vatthukāmakilesakāme paribhuñjituṃ abhabbo. Akappiyaṃ kāmaguṇaṃ sandhāyetaṃ vuttaṃ. Buddhaṃ paccakkhātunti "na buddho ayan"ti evaṃ paṭikkhipituṃ. Dhammādīsupi eseva nayo. Evantāva aṭṭhakathāya āgataṃ. Pāliyaṃ pana imasmiṃ sutte agatigamanāni kathitāni. @Footnote: 1 cha.Ma. ājīvikābhayanti 2 cha.Ma. samudāgacchantīti 3 cha.Ma. anubandhitabbovaThe Pali Atthakatha in Roman Character Volume 16 Page 290. http://84000.org/tipitaka/read/attha_page.php?book=16&page=290&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=16&A=6519&pagebreak=1 http://84000.org/tipitaka/atthapali/rm_line.php?B=16&A=6519&pagebreak=1#p290
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]