บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
อรรถกถาเล่มที่ ๑๖ ภาษาบาลี อักษรไทย องฺ.อ. (มโนรถ.๓) หน้าที่ ๒๙๖.
เภทนวิทฺธํสนธมฺมสฺส, ภิชฺชนวิกิรณภาวสฺเสวาติ อตฺโถ. เอตฺถ จ อนิจฺจปเทน เจว เภทนวิทฺธํสนปเทหิ จสฺส อตฺถงฺคโม กถิโต, เสเสหิ สมุทโย. นิพฺพินฺทถาติ อุกฺกณฺฐถ ปชหถ อิมํ กายนฺติ ทสฺเสติ. เอวมิมสฺมึ สุตฺเต พลววิปสฺสนา กถิตา. ฉฏฺฐํ วุตฺตนยเมว. สญฺญาสีเสน ปเนตฺถ ญาณเมว กถิตํ. ๗-๘. กุลสุตฺตาทิวณฺณนา [๑๗-๑๘] สตฺตเม น มนาเปน ปจฺจุปฏฺเฐนฺตีติ มนวฑฺฒเนน มนํ อลฺลียนา- กาเรน อาสนา วุฏฺฐาย ปจฺจุคฺคมนํ น กโรนฺติ. น มนาเปน อภิวาเทนฺตีติ น ปญฺจปติฏฺฐิเตน วนฺทนฺติ. อสกฺกจฺจํ เทนฺตีติ อจิตฺตีกาเรน เทนฺติ. โน สกฺกจฺจนฺติ สหตฺถา น เทนฺติ. น อุปนิสีทนฺติ ธมฺมสฺสวนายาติ "ธมฺมํ สุณิสฺสามา"ติ น สมีเป นิสีทนฺติ. น รมิสฺสนฺตีติ ๑- น ตุสฺสนฺติ ๒- ฆฏปิฏฺเฐ อาสิตฺตํ อุทกํ วิย วิวฏฺเฏตฺวา คจฺฉนฺตีติ. ๓- อฏฺฐเม เวเนยฺยชฺฌาสยวเสน เมตฺตาภาวนํ ปกฺขิปิตฺวา นวงฺคสมนฺนาคโตติ วุตฺตํ. ๙. เทวตาสุตฺตวณฺณนา [๑๙] นวเม วิปฺปฏิสารินิโยติ วิปฺปฏิสาริตํ มงฺกุภาวํ อาปชฺชิมฺหา. หีนํ กายนฺติ อุปริเทวโลกํ อุปาทาย เหฏฺฐิโม หีโนติ วุจฺจติ. โน จ โข ยถาสตฺติ ยถาพลํ สํวิภชิมฺหาติ อตฺตโน สตฺติยา จ พลสฺส จ อนุรูเปน สีลวนฺตานํ สํวิภาคํ กตฺวา น ภุญฺชิมฺหา. ๑๐. เวลามสุตฺตวณฺณนา [๒๐] ทสเม อปิ นุ เต คหปติ กุเล ทานํ ทิยฺยตีติ นยิทํ ภควา ภิกฺขุสํฆสฺส ทินฺนทานํ สนฺธาย ปุจฺฉติ. เสฏฺฐิสฺส หิ ฆเร ภิกฺขุสํฆสฺส นิจฺจํ ปณีตทานํ @เชิงอรรถ: ๑ ฉ.ม. น สุสฺสูสนฺตีติ @๒ ฉ.ม. อยํ ปาโฐ น ทิสฺสติ ๓ ฉ.ม. วฏฺเฏตฺวา คจฺฉติเนื้อความอรรถกถาฉบับภาษาบาลี อักษรไทย เล่มที่ ๑๖ หน้าที่ ๒๙๖. http://84000.org/tipitaka/read/attha_page.php?book=16&page=296&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=16&A=6654&modeTY=2&pagebreak=1 http://84000.org/tipitaka/atthapali/th_line.php?B=16&A=6654&modeTY=2&pagebreak=1#p296
จบการแสดงผล หน้าที่ ๒๙๖.
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]