บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
อรรถกถาเล่มที่ ๑๖ ภาษาบาลี อักษรไทย องฺ.อ. (มโนรถ.๓) หน้าที่ ๓.
สกฺกา ลภิตุํ. หีนา กามาติ ปญฺจนฺนํ นีจกุลานํ กามา. มชฺฌิมา กามาติ มชฺฌิมสตฺตานํ กามา. ปณีตา กามาติ ราชราชมหามตฺตานํ กามา. กามาเตฺวว สงฺขํ ๑- คจฺฉนฺตีติ กามนวเสน กาเมตพฺพวเสน จ กามาอิจฺเจว สงฺขํ คจฺฉนฺติ. วุฑฺโฒ โหตีติ มหลฺลโก โหติ. อลํปญฺโติ ยุตฺตปญฺโ. อตฺตคุตฺโตติ อตฺตนาว คุตฺโต รกฺขิโต, อตฺตานํ วา โคเปตุํ รกฺขิตุํ สมตฺโถ. นาลํ ปมาทายาติ น ยุตฺโต ปมชฺชิตุํ. สทฺธาย อกตํ โหตีติ ยํ สทฺธาย กุสเลสุ ธมฺเมสุ กาตุํ ยุตฺตํ, ตํ น กตํ โหติ. เสสปเทสุปิ เอเสว นโย. อนเปกฺโข ปนาหํ ภิกฺขเว ตสฺมึ ภิกฺขุสฺมึ โหมีติ เอวํ สทฺธาทีหิ กาตพฺพํ กตฺวาว โสตาปตฺติผเล ปติฏฺิเต ตสฺมึ ปุคฺคเล อนเปกฺโข โหมีติ ทสฺเสติ. อิมสฺมึ สุตฺเต โสตาปตฺติมคฺโค กถิโต. ๘. วจนสุตฺตวณฺณนา [๘] อฏฺเม สทฺธมฺเมติ สาสนสทฺธมฺเม. อสฺสทฺโธติ โอกปฺปนสทฺธาย จ ปจฺจกฺขสทฺธาย ๒- จาติ ทฺวีหิปิ สทฺธาหิ วิรหิโต. จวติ น ปติฏฺาตีติ อิมสฺมึ สาสเน คุเณหิ จวติ, ปติฏฺาตุํ น สกฺโกติ. อิติ อิมสฺมึ สุตฺเต อปฺปติฏฺานญฺจ ปติฏฺานญฺจ กถิตํ. ๙. ปมอคารวสุตฺตวณฺณนา [๙] นวเม นาสฺส คารโวติ อคารโว. นาสฺส ปติสฺโสติ ๓- อปฺปติสฺโส, อเชฏฺโก อนีจวุตฺติ. เสสเมตฺถ ปุริมสทิสเมว. ๑๐. ทุติยอคารวสุตฺตวณฺณนา [๑๐] ทสเม อภพฺโพติ อภพฺพตํ ปตฺโต. ๔- วุฑฺฒินฺติ วฑฺฒึ. วิรุฬฺหินฺติ วิรุฬฺหตาย นิจฺจลภาวํ. เวปุลฺลนฺติ มหนฺตภาวํ. เสสํ สพฺพตฺถ อุตฺตานเมวาติ. เสขพลวคฺโค ปโม. @เชิงอรรถ: ๑ ก. สํขยํ. เอวมุปริปิ ๒ ฉ.ม. ปกฺขนฺทนสทฺธาย @๓ ก. ปฏิสฺสโยติ ๔ ฉ.ม. อภาชนํเนื้อความอรรถกถาฉบับภาษาบาลี อักษรไทย เล่มที่ ๑๖ หน้าที่ ๓. http://84000.org/tipitaka/read/attha_page.php?book=16&page=3&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=16&A=45&pagebreak=1 http://84000.org/tipitaka/atthapali/th_line.php?B=16&A=45&pagebreak=1#p3
จบการแสดงผล หน้าที่ ๓.
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]