บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 16 : PALI ROMAN An.A. (manoratha.3) Page 30.
5. Matasuttavannana [55] Pancame pariyadaya titthatiti pariyadiyitva gahetva khepetva titthati. Ugghatitati 1- uddhumata. Asihatthenati sisacchedanatthaya asim adaya agatenapi. Pisacenati khaditum agatayakkhenapi. Asaddeti 2- ghatteyya. Manjunati mudukena. Kamoghavulhananti kamoghena vulhanam kaddhitanam. Kalam gatim bhavabhavanti vattakalam gatinca punappunabbhave ca. Purakkhatati purecarika purato katayeva. 3- Ye ca kame parinnayati ye pandita duvidhepi kame tihi parinnahi parijanitva. Caranti akutobhayati khinasavanam kutobhayam 4- nama natthi, tasma te akutobhaya hutva caranti. Paragatati 5- param vuccati nibbanam, tam upagata, sacchikatva thitati attho. Asavakkhayanti arahattam. Imasmim sutte vattameva kathetva gathasu vattavivattam kathitam. 6. Upajjhayasuttavannana [56] Chatthe madhurakajatoti sanjatagarubhavo. Disa ca me na pakkhayantiti catasso disa ca anudisa ca mayham na upatthahantiti vadati. Dhamma ca mam nappatikantiti samathavipassanadhammapi me na upatthahanti. Anabhirato ca brahmacariyam caramiti ukkanthito hutva brahmacariyavasam vasami. Yena bhagava tenupasankamiti tassa katham sutva "buddhaveneyyapuggalo ayan"ti tam karanam bhagavato arocetum upasankami. Avipassakassa kusalanam dhammananti kusale dhamme avipassantassa, anesantassa agavesantassati attho. Bodhipakkhikananti 6- satipatthanadinam sattatimsadhammanam. @Footnote: 1 Si. ugghanitati 2 cha.Ma. asideti 3 cha.Ma. gatayeva @4 cha.Ma. kutoci bhayam 5 cha.Ma. parangatati 6 cha.Ma. bodhipakkhiyanam dhammanantiThe Pali Atthakatha in Roman Character Volume 16 Page 30. http://84000.org/tipitaka/read/attha_page.php?book=16&page=30&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=16&A=669&modeTY=2&pagebreak=1 http://84000.org/tipitaka/atthapali/rm_line.php?B=16&A=669&modeTY=2&pagebreak=1#p30
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]