บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 16 : PALI ROMAN Aṅ.A. (manoratha.3) Page 306.
6. Silāyūpasuttavaṇṇanā [26] Chaṭṭhe candikāputtoti mātunāmavasena paññāto candikāputtatthero. Cetasā citaṃ hotīti cittavārapariyāyena cittavārapariyāyo cito vaḍḍhito hoti. Cetasā cittaṃ suparicitaṃ hotīti cittavārapariyāyena cittavārapariyāyo uparūpuri sucito suvaḍḍhito hoti. Nevassa cittaṃ pariyādiyantīti tāni ārammaṇāni tassa khīṇāsavassa cittuppādaṃ gahetvā khepetvā ṭhātuṃ na sakkonti. Amissīkatanti tesaṃ ārammaṇānaṃ 1- anallīnattā tehi amissīkataṃ. Āneñjappattanti aniñjanabhāvaṃ nipphandanabhāvaṃ pattaṃ. Silāyūpoti silāthambho. Soḷasakukkukoti dīghato soḷasahattho. Heṭṭhānemaṅgamāti āvāṭassa heṭṭhā gatā. Uparinemassāti upariāvāṭassa. Sunikhātattāti ayamusalehi koṭṭetvā 2- suṭṭhu nikhātattā. Evameva khoti ettha silāyūpo viya khīṇāsavo daṭṭhabbo, mahāvātā viya chasu dvāresu uppajjanakā kilesā, catūhi disāhi āgantvā vātānaṃ silāyūpaṃ cāletuṃ asamatthabhāvo viya chasu dvāresu uppajjanaka- kilesānaṃ khīṇāsavassa cittaṃ cāletuṃ asamatthabhāvo veditabbo. Imasmiṃpi sutte khīṇāsavova kathito. 7-8. Verasuttadvayavaṇṇanā [27-28] Sattame bhayaṃ veraṃ pasavatīti cittutrāsabhayaṃ ceva puggalaveraṃ ca paṭilabhati. Cetasikanti cittanissitaṃ. Dukkhanti kāyavatthukaṃ. Domanassanti paṭighasampayuttaṃ dukkhaṃ. Imasmiṃ sutte sotāpattimaggo kathito. Aṭṭhamaṃ bhikkhusaṃghassa kathitaṃ, imasmiṃ pana sotāpannova kathitoti vuttaṃ. @Footnote: 1 cha.Ma. tāni ārammaṇāni 2 cha.Ma. koṭṭetvā koṭṭetvāThe Pali Atthakatha in Roman Character Volume 16 Page 306. http://84000.org/tipitaka/read/attha_page.php?book=16&page=306&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=16&A=6894&pagebreak=1 http://84000.org/tipitaka/atthapali/rm_line.php?B=16&A=6894&pagebreak=1#p306
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]