9. Āghātavatthusuttavaṇṇanā
[29] Navame āghātavatthūnīti āghātakāraṇāni. Āghātaṃ bandhatīti kopaṃ
bandhati uppādeti.
10-11. Āghātapaṭivinayasuttādivaṇṇanā
[30-31] Dasame āghātapaṭivinayāti āghātassa paṭivinayakāraṇāni. Taṃ kutettha
labbhāti "taṃ anatthacaraṇaṃ mā ahosī"ti etasmiṃ puggale kuto labbhā, kena kāraṇena
sakkā laddhuṃ, "paro nāma parassa attano cittaruciyā anatthaṃ karotī"ti evaṃ
cintetvā āghātaṃ paṭivineti. Sacāhaṃ ettha paṭikopaṃ 1- kareyyaṃ, taṃ kopakaraṇaṃ ettha
puggale kuto labbhā, kena kāraṇena laddhabbanti attho. Kuto lābhātipi pāṭho.
Sacāhaṃ ettha kopaṃ kareyyaṃ, tasmiṃ me kopakaraṇe kuto lābhā, lābhā nāma
ke siyunti attho. Imasmiñca atthe tanti nipātamattameva hoti. Ekādasame
anupubbanirodhāti anupaṭipāṭinirodhā. Sesaṃ sabbattha uttānamevāti.
Sattāvāsavaggo tatiyo.
-----------------
4. Mahāvagga
1-2. Anupubbavihārasuttādivaṇṇanā
[32-33] Catutthassa paṭhame anupubbavihārāti anupaṭipāṭiyā samāpajjitabbavihāRā.
Dutiye yattha kāmā nirujjhantīti yasmiṃ ṭhāne kāmā vūpasammanti. Nirodhetvāti
appaṭivattetvā. 2- Nicchātāti taṇhādiṭṭhicchātānaṃ abhāvena nicchātā. Nibbutāti
@Footnote: 1 cha.Ma. kopaṃ 2 cha.Ma. appaṭivatte katvā
The Pali Atthakatha in Roman Character Volume 16 Page 307.
http://84000.org/tipitaka/read/attha_page.php?book=16&page=307&pages=1&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=16&A=6915&pagebreak=1
http://84000.org/tipitaka/atthapali/rm_line.php?B=16&A=6915&pagebreak=1#p307
