ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๑๖ ภาษาบาลี อักษรไทย องฺ.อ. (มโนรถ.๓)

หน้าที่ ๓๑๓.

                     ๘. เทวาสุรสงฺคามสุตฺตวณฺณนา
     [๓๙] อฏฺฐเม สมุปพฺยุโฬฺห อโหสีติ ปจฺจุปฏฺฐิโต อโหสิ. สงฺคาเมยฺยามาติ
สงฺคามํ กเรยฺยาม ยุชฺเฌยฺยาม. อปสฺสึเสฺววาติ ๑- ปลายึสุเยว. อุตฺตราภิมุขาติ
อุตฺตรามุขา หุตฺวา. อภิภยนฺเตวาติ ๒- อนุพนฺธนฺติเยว. ภีรุตฺตานคเตนาติ
ภีรุตฺตานํ ภยนิวารณํ ปติฏฺฐานํ คเตน. ๓- อกรณียาติ ยุทฺเธน กิญฺจิ อกตฺตพฺพา.
กสฺมา ปน เตสํ สงฺคาโม โหตีติ อสุรา หิ ปุพฺเพ ตาวตึสภวนวาสิโน ๔- เต
จิตฺตปาตลิยา ปุปฺผนกาเล ทิพฺพปาริจฺฉตฺตกปุปฺผํ อนุสฺสรนฺติ. ตโต อุปฺปนฺนโกธา
"คณฺหถ เทเว"ติ สมฺมุขสมฺมุขฏฺฐาเนเนว สิเนรุํ อภิรุหนฺติ, เทวาปิ นิกฺขมนฺติ.
เตสํ โคปาลกทารกานํ อญฺญมญฺญํ ทณฺฑเกหิ ปหรณสทิสํ ยุทฺธํ โหติ. สกฺโก เทวราชา
เหฏฺฐา ปญฺจสุ ฐาเนสุ อารกฺขํ ฐเปตฺวา อุปริ เทวปุรํ ปริวาเรตฺวา อตฺตสทิสา
วชิรหตฺถา ปฏิมา ฐปาเปสิ. อสุรา เหฏฺฐา ปญฺจ ฐานานิ ปฏิพาหิตฺวา อภิรุหนฺตา ๕-
อินฺทปฏิมาโย ทิสฺวา นิวตฺติตฺวา อสุรปุรเมว คจฺฉนฺติ.
     ทกฺขิเณน มุขาติ ๖- ทกฺขิณมุขา หุตฺวา. อปทํ พนฺธิตฺวาติ ๗- นิปฺปทํ นิรวเสสํ
พนฺธิตฺวา. อทสฺสนํ คโตติ มาโรปิ วฏฺฏปาทกํ กตฺวา รูปาวจรจตุตฺถชฺฌานํ
สมาปนฺนสฺส จิตฺตํ ชานาติ, ตเทว วิปสฺสนาปาทกํ กตฺวา สมาปนฺนสฺส จิตฺตํ
ชานาติ. อรูปาวจรสมาปตฺติ ปน วฏฺฏปาทา วา โหติ ๘- วิปสฺสนาปาทา วา,
ตํสมาปนฺนสฺส มาโร จิตฺตํ น ชานาติ. เตน วุตฺตํ "อทสฺสนํ คโต ปาปิมโต"ติ.
                         ๙. นาคสุตฺตวณฺณนา
     [๔๐] นวเม อารญฺญกสฺสาติ อรญฺญวาสิโน. โคจรปสุตสฺสาติ โคจร-
คหณตฺถาย  คจฺฉนฺตสฺส. หตฺถิกลภาปีติ มหนฺตมหนฺตา หตฺถิโปตกา. ๙- หตฺถิจฺฉาปาติ
@เชิงอรรถ:  ฉ.ม. อปยึสุเยวาติ   ฉ.ม. อภิยนฺเตวาติ   ม. ภยนิวารเณ ปติฏฺฐานคเตน
@ ฉ.ม. ตาวตึสวาสิโน   ฉ.ม. อภิรุฬฺหา   ฉ.ม. ทกฺขิเณนาภิมุขาติ
@ ฉ.ม. อปทํ วธิตฺวาติ   ฉ.ม. โหตุ   ฉ.ม. มหนฺตา มหนฺตา นาคา



เนื้อความอรรถกถาฉบับภาษาบาลี อักษรไทย เล่มที่ ๑๖ หน้าที่ ๓๑๓. http://84000.org/tipitaka/read/attha_page.php?book=16&page=313&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=16&A=7050&modeTY=2&pagebreak=1 http://84000.org/tipitaka/atthapali/th_line.php?B=16&A=7050&modeTY=2&pagebreak=1#p313


จบการแสดงผล หน้าที่ ๓๑๓.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]