บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 16 : PALI ROMAN Aṅ.A. (manoratha.3) Page 33.
7. 2. Saññāvagga 1-2. Saññāsuttadvayavaṇṇanā [61-62] Dutiyassa paṭhame mahapphalāti vipākaphalena mahapphalā. Vipākānisaṃseneva mahānisaṃsā. Amatogadhāti nibbānapatiṭṭhā. Sabbaloke anabhiratasaññāti 1- sabbasmiṃ tidhātusannivāse 2- loke ukkaṇṭhitassa uppajjanakasaññā. Dutiyaṃ uttānameva. 3- 3-4. Vaḍḍhasuttadvayavaṇṇanā [63-64] Tatiye varādāyīti uttamassa varassa ādāyako. Sesamettha catutthe ca uttānatthamevāti. 5. Sākacchasuttavaṇṇanā [65] Pañcame alaṃsākacchoti sākacchāya yutto. Āgataṃ pañhanti pucchitaṃ pañhaṃ. Byākattā hotīti vissajjitā hoti. 6. Sājīvasuttavaṇṇanā [66] Chaṭṭhe alaṃsājīvoti sājīvāya yutto. Sājīvoti pañhāpucchanañceva pañhāvissajjanañca. Sabbepi hi sabrahmacārino pañhaṃ upajīvanti, tenetaṃ pañhā- pucchanavissajjanaṃ samānājīvatāya sājīvoti vuttaṃ. Kataṃ pañhanti abhisaṅkhataṃ pañhanti. 4- 7-10. Paṭhamaiddhipādasuttādivaṇṇanā [67-70] Sattame ussoḷhinti 5- adhimattaviriyaṃ. Aṭṭhame attano bodhimaṇḍe paṭividdhe āgamaiddhipāde kathetvā upari attanova cha abhiññā kathesīti. Navamadasamesu vipassanā kathitā. Sesaṃ sabbattha uttānatthamevāti. Saññāvaggo dutiyo. @Footnote: 1 cha.Ma. anabhiratisaññāti 2 cha.Ma. tedhātusannivāse 3 cha.Ma. uttānatthameva @4 cha.Ma. pañhaṃ 5 cha.Ma. ussoḷhītiThe Pali Atthakatha in Roman Character Volume 16 Page 33. http://84000.org/tipitaka/read/attha_page.php?book=16&page=33&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=16&A=739&pagebreak=1 http://84000.org/tipitaka/atthapali/rm_line.php?B=16&A=739&pagebreak=1#p33
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]