บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 16 : PALI ROMAN Aṅ.A. (manoratha.3) Page 344.
Saddhammaṭṭhitiyāti tividho saddhammo pariyattisaddhammo paṭipattisaddhammo adhigama- saddhammoti. Tattha sakalaṃpi buddhavacanaṃ pariyattisaddhammo nāma. Terasa dhutaṅgaguṇā 1- cārittavārittasīlasamādhivipassanāti ayaṃ paṭipattisaddhammo nāma. Navalokuttaradhammo adhigamasaddhammo nāma. So sabbopi yasmā sikkhāpadapaññattiyā sati bhikkhū sikkhāpadañca tassa vibhaṅgañca tadatthajotanatthaṃ aññaṃ ca buddhavacanaṃ pariyāpuṇanti, yathāpaññattañca paṭipajjamānā paṭipattiṃ pūretvā paṭipattiyā adhigantabbaṃ lokuttaradhammaṃ adhigacchanti, tasmā sikkhāpadapaññattiyā saddhammo ciraṭṭhitiko hoti. Tena vuttaṃ "saddhammaṭṭhitiyā"ti. Vinayānuggahāyāti sikkhāpadapaññattiyā hi sati saṃvaravinayo pahānavinayo samathavinayo paññattivinayoti catubbidhopi vinayo anuggahito hoti upatthambhito sūpatthambhito. Tena vuttaṃ "vinayānuggahāyā"ti. 2. Pātimokkhaṭṭhapanāsuttavaṇṇanā [32] Dutiye pārājikoti pārājikāpattiṃ āpanno. Pārājikakathā vippakatā hotīti "asukapuggalo pārājikaṃ āpanno nu kho no"ti evaṃ kathā ārabhitā 2- aniṭṭhāpitā hoti. Eseva nayo sabbattha. 3. Ubbāhikāsuttavaṇṇanā [33] Tatiye ubbāhikāyāti sampattaṃ adhikaraṇaṃ vūpasametuṃ saṃghato ubbāhitvā uddharitvā gahaṇatthāya. vinaye kho pana ṭhito hotīti vinayalakkhaṇe patiṭṭhito hoti. Asaṃhiroti na aññassa vacanamatteneva attano laddhiṃ vissajjeti. Paṭibaloti kāyabalenapi ñāṇabalenapi samannāgato hoti. 3- Saññāpetunti sañjānāpetuṃ. 4- @Footnote: 1 cha.Ma. dhutaguṇā 2 cha.Ma. ārabhitvā @3 cha.Ma. ayaṃ pāṭho na dissati 4 cha.Ma. jānāpetuṃThe Pali Atthakatha in Roman Character Volume 16 Page 344. http://84000.org/tipitaka/read/attha_page.php?book=16&page=344&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=16&A=7734&pagebreak=1 http://84000.org/tipitaka/atthapali/rm_line.php?B=16&A=7734&pagebreak=1#p344
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]