อรรถกถาเล่มที่ ๑๖ ภาษาบาลี อักษรไทย
องฺ.อ. (มโนรถ.๓)
หน้าที่ ๓๔๔.

     สทฺธมฺมฏฺฐิติยาติ ติวิโธ สทฺธมฺโม ปริยตฺติสทฺธมฺโม ปฏิปตฺติสทฺธมฺโม อธิคม-
สทฺธมฺโมติ. ตตฺถ สกลํปิ พุทฺธวจนํ ปริยตฺติสทฺธมฺโม นาม. เตรส ธุตงฺคคุณา ๑-
จาริตฺตวาริตฺตสีลสมาธิวิปสฺสนาติ อยํ ปฏิปตฺติสทฺธมฺโม นาม. นวโลกุตฺตรธมฺโม
อธิคมสทฺธมฺโม นาม. โส สพฺโพปิ ยสฺมา สิกฺขาปทปญฺญตฺติยา สติ ภิกฺขู สิกฺขาปทญฺจ
ตสฺส วิภงฺคญฺจ ตทตฺถโชตนตฺถํ อญฺญํ จ พุทฺธวจนํ ปริยาปุณนฺติ, ยถาปญฺญตฺตญฺจ
ปฏิปชฺชมานา ปฏิปตฺตึ ปูเรตฺวา ปฏิปตฺติยา อธิคนฺตพฺพํ โลกุตฺตรธมฺมํ
อธิคจฺฉนฺติ, ตสฺมา สิกฺขาปทปญฺญตฺติยา สทฺธมฺโม จิรฏฺฐิติโก โหติ. เตน วุตฺตํ
"สทฺธมฺมฏฺฐิติยา"ติ.
     วินยานุคฺคหายาติ สิกฺขาปทปญฺญตฺติยา หิ สติ สํวรวินโย ปหานวินโย
สมถวินโย ปญฺญตฺติวินโยติ จตุพฺพิโธปิ วินโย อนุคฺคหิโต โหติ อุปตฺถมฺภิโต
สูปตฺถมฺภิโต. เตน วุตฺตํ "วินยานุคฺคหายา"ติ.
                     ๒. ปาติโมกฺขฏฺฐปนาสุตฺตวณฺณนา
     [๓๒] ทุติเย ปาราชิโกติ ปาราชิกาปตฺตึ อาปนฺโน. ปาราชิกกถา วิปฺปกตา
โหตีติ "อสุกปุคฺคโล ปาราชิกํ อาปนฺโน นุ โข โน"ติ เอวํ กถา อารภิตา ๒-
อนิฏฺฐาปิตา โหติ. เอเสว นโย สพฺพตฺถ.
                       ๓. อุพฺพาหิกาสุตฺตวณฺณนา
     [๓๓] ตติเย อุพฺพาหิกายาติ สมฺปตฺตํ อธิกรณํ วูปสเมตุํ สํฆโต อุพฺพาหิตฺวา
อุทฺธริตฺวา คหณตฺถาย.  วินเย โข ปน ฐิโต โหตีติ วินยลกฺขเณ ปติฏฺฐิโต
โหติ. อสํหิโรติ น อญฺญสฺส วจนมตฺเตเนว อตฺตโน ลทฺธึ วิสฺสชฺเชติ. ปฏิพโลติ
กายพเลนปิ ญาณพเลนปิ สมนฺนาคโต โหติ. ๓- สญฺญาเปตุนฺติ สญฺชานาเปตุํ. ๔-
@เชิงอรรถ: ๑ ฉ.ม. ธุตคุณา  ๒ ฉ.ม. อารภิตฺวา
@๓ ฉ.ม. อยํ ปาโฐ น ทิสฺสติ  ๔  ฉ.ม. ชานาเปตุํ


เนื้อความอรรถกถาฉบับภาษาบาลี อักษรไทย เล่มที่ ๑๖ หน้าที่ ๓๔๔.
http://84000.org/tipitaka/read/attha_page.php?book=16&page=344&pages=1&modeTY=2&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=16&A=7734&modeTY=2&pagebreak=1
http://84000.org/tipitaka/atthapali/th_line.php?B=16&A=7734&modeTY=2&pagebreak=1#p344