บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 16 : PALI ROMAN Aṅ.A. (manoratha.3) Page 345.
Paññāpetunti sampajānāpetuṃ. 1- Nijjhāpetunti olokāpetuṃ. Pekkhātunti 2- passāpetuṃ. Pasādetunti 3- sañjātappasādaṃ kātuṃ. Adhikaraṇanti vivādādhikaraṇādicatubbidhaṃ adhikaraṇaṃ. Adhikaraṇasamudayanti vivādamūlādikaṃ adhikaraṇakāraṇaṃ. 4- Adhikaraṇanirodhanti adhikaraṇānaṃ vūpasamaṃ. Adhikaraṇanirodhagāminīpaṭipadanti 5- sattavidhaṃ adhikaraṇasamathaṃ. 4. Upasampadāsuttavaṇṇanā [34] Catutthe anabhiratinti ukkaṇṭhitabhāvaṃ. Vūpakāsetunti vinetuṃ. Adhisīleti uttamasīle. Cittapaññāsupi eseva nayo. 7. Saṃghabhedasuttavaṇṇanā [37] Sattame vatthūhīti kāraṇehi. Avakassantīti parisaṃ ākaḍḍhenti vissajjenti 6- ekamantaṃ ussādenti. Pavakassantīti 7- ativiya ākaḍḍhenti, yathā visaṃsaṭṭhā honti, evaṃ karonti. Āvenikakammāni 8- karontīti visuṃ saṃghakammāni karonti. 9-10. Ānandasuttadvayavaṇṇanā [39-40] Navame kappaṭṭhiyanti 9- āyukappaṃ nirayamhi ṭhitikāraṇaṃ. Kibbisaṃ pasavatīti pāpavipākaṃ 10- paṭilabhati. Āpāyikoti apāyagamaniyo. Nerayikoti niraye nibbattanako. Vaggaratoti bhedarato. yogakkhemato dhaṃsatīti 11- yogehi khemato arahattato dhaṃsati vigacchati. Dasame anuggahoti aññamaññassa saṅgahānuggaho. Sesaṃ sabbattha uttānatthamevāti. Upālivaggo catuttho. @Footnote: 1 Sī. saññāpetunti jānāpetuṃ. saññāpetunti sammā jānāpetuṃ @2 cha.Ma. pekkhetunti 3 Ma. pekkhetunti. pasādetuṃ 4 cha.Ma.....kārakaṃ @5 cha.Ma. adhikaraṇanirodhagāminiṃ paṭipadanti 6 cha.Ma. vijaṭenti 7 cha.Ma. ussārenti, @apakassantīti 8 cha.Ma. āvenikammāni 9 cha.Ma. kappaṭṭhikanti 10 cha.Ma. pāpaṃ @11 cha.Ma. yogakkhemā padhaṃsatītiThe Pali Atthakatha in Roman Character Volume 16 Page 345. http://84000.org/tipitaka/read/attha_page.php?book=16&page=345&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=16&A=7756&pagebreak=1 http://84000.org/tipitaka/atthapali/rm_line.php?B=16&A=7756&pagebreak=1#p345
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]