ATTHAKATHA Book 16 : PALI ROMAN
An.A. (manoratha.3)
Page 35.

Katva pannakhaggam gahetva khaggena esikathambhe viya arahattamaggena tanhesikam
luncitva so yodho sadvarabahakam nagarakavatam viya pancorambhagiyasamyojanaggalam
ugghatetva so yodho paligham viya avijjapaligham ukkhipitva so yodho pakaram
bhindanto parikham viya kammabhisankharam bhindanto jatisamsaraparikham pakiritva 1- so
yodho coranagarasobhatthaya 2- ussapitaddhaje viya manaddhaje patetva sakkayanagaram
jhapetva so yodho khemanagare uparipasade subhojanam viya kilesaparinibbananagaram
pavisitva amatam nirodharammanam phalasamapattisukham anubhavamano kalam vitimaneti.
                    2. Dutiyacetovimuttiphalasuttavannana
     [72] Dutiye aniccasannati khandhapancakam hutva abhavakarena aniccanti
uppajjanakasanna. Anicce dukkhasannati yadaniccam, tam patipilanakarena dukkhanti
uppajjanakasanna. Dukkhe anattasannati yam dukkham, tam avasavattanakarena
anattati uppajjanakasanna. Sesam hettha vuttanayameva. Imesu pana dvisupi
suttesu vipassanaphalam nama kathitanti.
                      3. Pathamadhammaviharisuttavannana
     [73] Tatiye divasam atinametiti divasam atikkameti. Rincati patisallananti
ekibhavam vissajjeti. Desetiti katheti pakaseti. Dhammapannattiyati dhammassa
pannapanaya. 3- Dhammam pariyapunatiti navangavasena catusaccadhammam pariyapunati
valanjeti katheti. Na rincati patisallananti ekibhavam na vissajjeti. Anuyunjati
ajjhattam cetosamathanti niyakajjhatte cittasamadhim asevati bhaveti, samathakammatthane
yuttappayutto hoti.
     Hitesinati hitam esantena. Anukampakenati anukampamanena. Anukampam
upadayati anukampam cittena pariggahetva, paticcatipi vuttam hoti. Katam vo
@Footnote: 1 cha.Ma. vikiritva  2 cha.Ma. nagarasobhatthaya  3 Si. dhammasannattiyati dhammassa
@sannapanaya


The Pali Atthakatha in Roman Character Volume 16 Page 35.
http://84000.org/tipitaka/read/attha_page.php?book=16&page=35&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_rm.php?B=16&A=785&modeTY=2&pagebreak=1
http://84000.org/tipitaka/atthapali/rm_line.php?B=16&A=785&modeTY=2&pagebreak=1#p35