บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 16 : PALI ROMAN Aṅ.A. (manoratha.3) Page 351.
2. Dutiyapaṇṇāsaka 6. 1. Sacittavagga 1-4. Sacittasuttādivaṇṇanā [51-54] Dutiyassa paṭhame sacittapariyāyakusaloti attano cittavārakusalo. Rajanti āgantukaupakkilesaṃ. Aṅgaṇanti tatthajātakaaṅgakāḷatilakādiṃ. 1- Āsavānaṃ khayāyāti arahattatthāya. Tatiye paṭibhāṇenāti vacanasaṇṭhānena. 2- Catutthe adhipaññādhammavipassanāyāti saṅkhārapariggāhakavipassanāya. 8. Mūlakasuttavaṇṇanā [58] Aṭṭhame amatogadhāti ettha saupādisesā nibbānadhātu kathitā. Nibbānapariyosānāti ettha anupādisesā. Anupādisesaṃ pattassa hi sabbe dhammā pariyosānappattā nāma honti. Sesapadāni heṭṭhā vuttatthāneva. 9. Pabbajjāsuttavaṇṇanā [59] Navame tasmāti yasmā evaṃ aparicitacittassa sāmaññattho na sampajjati, tasmā. Yathāpabbajjāparicitañca no cittaṃ bhavissatīti pabbajjānurūpena 3- paricitaṃ. Ye hi keci pabbajanti nāma, sabbe te arahattaṃ patthetvā. Tasmā yaṃ cittaṃ arahattādhigamatthāya paricitaṃ vaḍḍhitaṃ, taṃ yathāpabbajjāparicitaṃ nāmāti veditabbaṃ. Evarūpaṃ no cittaṃ bhavissatīti evaṃ 4- sikkhitabbaṃ. Lokassa samañca visamañcāti sattalokassa sucaritaduccaritāni. Lokassa sambhavañca 5- vibhavañcāti tasseva 6- vuḍḍhiñca vināsañca, @Footnote: 1 Sī. tatthajātaṃ aṅgakāḷatilakādiṃ, Ma. attajātaṃ aṅgavālatilakādiṃ 2 ka. vacanapaṭṭhānena @3 Sī.,Ma. yathāpabbajjānurūpena 4 cha.Ma. ayaṃ saddo na dissati 5 cha.Ma. bhavañca @6 cha.Ma. tassaThe Pali Atthakatha in Roman Character Volume 16 Page 351. http://84000.org/tipitaka/read/attha_page.php?book=16&page=351&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=16&A=7897&pagebreak=1 http://84000.org/tipitaka/atthapali/rm_line.php?B=16&A=7897&pagebreak=1#p351
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]