ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๑๖ ภาษาบาลี อักษรไทย องฺ.อ. (มโนรถ.๓)

หน้าที่ ๓๕๑.

                          ๒. ทุติยปณฺณาสก
                          ๖. ๑. สจิตฺตวคฺค
                       ๑-๔. สจิตฺตสุตฺตาทิวณฺณนา
     [๕๑-๕๔] ทุติยสฺส ปฐเม สจิตฺตปริยายกุสโลติ อตฺตโน จิตฺตวารกุสโล.
รชนฺติ อาคนฺตุกอุปกฺกิเลสํ. องฺคณนฺติ ตตฺถชาตกองฺคกาฬติลกาทึ. ๑- อาสวานํ
ขยายาติ อรหตฺตตฺถาย. ตติเย ปฏิภาเณนาติ วจนสณฺฐาเนน. ๒- จตุตฺเถ
อธิปญฺญาธมฺมวิปสฺสนายาติ สงฺขารปริคฺคาหกวิปสฺสนาย.
                         ๘. มูลกสุตฺตวณฺณนา
     [๕๘] อฏฺฐเม อมโตคธาติ เอตฺถ สอุปาทิเสสา นิพฺพานธาตุ กถิตา.
นิพฺพานปริโยสานาติ เอตฺถ อนุปาทิเสสา. อนุปาทิเสสํ ปตฺตสฺส หิ สพฺเพ ธมฺมา
ปริโยสานปฺปตฺตา นาม โหนฺติ. เสสปทานิ เหฏฺฐา วุตฺตตฺถาเนว.
                        ๙. ปพฺพชฺชาสุตฺตวณฺณนา
     [๕๙] นวเม ตสฺมาติ ยสฺมา เอวํ อปริจิตจิตฺตสฺส สามญฺญตฺโถ น สมฺปชฺชติ,
ตสฺมา. ยถาปพฺพชฺชาปริจิตญฺจ โน จิตฺตํ ภวิสฺสตีติ ปพฺพชฺชานุรูเปน ๓- ปริจิตํ.
เย หิ เกจิ ปพฺพชนฺติ นาม, สพฺเพ เต อรหตฺตํ ปตฺเถตฺวา. ตสฺมา ยํ จิตฺตํ
อรหตฺตาธิคมตฺถาย ปริจิตํ วฑฺฒิตํ, ตํ ยถาปพฺพชฺชาปริจิตํ นามาติ เวทิตพฺพํ.
เอวรูปํ โน จิตฺตํ ภวิสฺสตีติ เอวํ ๔- สิกฺขิตพฺพํ. โลกสฺส สมญฺจ วิสมญฺจาติ
สตฺตโลกสฺส สุจริตทุจฺจริตานิ. โลกสฺส สมฺภวญฺจ ๕- วิภวญฺจาติ ตสฺเสว ๖-
วุฑฺฒิญฺจ วินาสญฺจ,
@เชิงอรรถ:  สี. ตตฺถชาตํ องฺคกาฬติลกาทึ, ม. อตฺตชาตํ องฺควาลติลกาทึ   ก. วจนปฏฺฐาเนน
@ สี.,ม. ยถาปพฺพชฺชานุรูเปน   ฉ.ม. อยํ สทฺโท น ทิสฺสติ   ฉ.ม. ภวญฺจ
@ ฉ.ม. ตสฺส



เนื้อความอรรถกถาฉบับภาษาบาลี อักษรไทย เล่มที่ ๑๖ หน้าที่ ๓๕๑. http://84000.org/tipitaka/read/attha_page.php?book=16&page=351&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=16&A=7897&modeTY=2&pagebreak=1 http://84000.org/tipitaka/atthapali/th_line.php?B=16&A=7897&modeTY=2&pagebreak=1#p351


จบการแสดงผล หน้าที่ ๓๕๑.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]