อรรถกถาเล่มที่ ๑๖ หน้าที่ ๓๕๕.

ปุพฺพเปตกถา นาม อตีตาติกถา. ตตฺถ วตฺตมานาติกถาสทิโสว วินิจฺฉโย. นานตฺตกถา นาม ปุริมปจฺฉิมกถาวิมุตฺตา อวเสสา นานาสภาวา ติรจฺฉานกถา. โลกกฺขายิกา นาม "อยํ โลโก เกน นิมฺมิโต, อสุเกน นาม นิมฺมิโต, กาโก เสโต อฏฺีนํ เสตตฺตา, พลากา รตฺตา โลหิตสฺส รตฺตตฺตา"ติ เอวมาทิกา โลกายตวิตณฺฑสลฺลาปกถา. สมุทฺทกฺขายิกา นาม กสฺมา สมุทฺโท สาคโรติ, สาครเทเวน ขตตฺตา สาคโร, ขโต เมติ หตฺถมุทฺทาย นิเวทิตตฺตา สมุทฺโทติ เอวมาทิกา นิรตฺถกา สมุทฺทกฺขายนกถา. ภโวติ วุฑฺฒิ, อภโวติ หานิ. อิติ ภโว อิติ อภโวติ ยํ วา ตํ วา นิรตฺถกการณํ วตฺวา ปวตฺติตา กถา อิติภวาภวกถา นาม. เตชสา เตชนฺติ อตฺตโน เตชสา เตสํ เตชํ. ปริยาทิเยยฺยาถาติ เขเปตฺวา ติฏฺเยฺยาถ. ^๑- ตตฺริทํ วตฺถุํ:- เอโก ปิณฺฑปาติโก มหาเถรํ ปุจฺฉิ "ภนฺเต เตชสา เตชํ ปริยาทิยมานา ภิกฺขู กึ กโรนฺตี"ติ. เถโร อาห:- อาวุโส กิญฺจิเทว อาตเป เปตฺวา ยถา ฉายา เหฏฺา น โอตรติ, อุทฺธํเยว คจฺฉติ ตถา กโรนฺตีติ. ทสเม ปาสํสานิ านานีติ ปสํสาวหานิ การณานิ. เสสเมตฺถ ^๒- อุตฺตานตฺถเมวาติ. ยมกวคฺโค ทุติโย. ------------- @เชิงอรรถ: ^๑ ฉ.ม. เขเปตฺวา คเหตฺวา อภิภเวยฺยาถ ^๒ ฉ.ม. เสสํ สพฺพตฺถ

เนื้อความอรรถกถาฉบับภาษาบาลี อักษรไทย เล่มที่ ๑๖ หน้าที่ ๓๕๕. http://84000.org/tipitaka/read/attha_page.php?book=16&page=355&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=16&A=7988&pagebreak=1 http://84000.org/tipitaka/atthapali/th_line.php?B=16&A=7988&pagebreak=1#p355