บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 16 : PALI ROMAN Aṅ.A. (manoratha.3) Page 367.
10. 5. Upālivagga 1-2. Kāmabhogīsuttādivaṇṇanā [91-92] Pañcamassa paṭhame sāhasenāti sāhasiyakammena. Dutiye bhayānīti cittutrāsabhayāni. Verānīti akusalaverapuggalaverāni. Ariyo cassa ñāyoti saha vipassanāya maggo. Iti imasmiṃ sati idaṃ hotīti evaṃ imasmiṃ avijjādike kāraṇe sati idaṃ saṅkhārādikaṃ phalaṃ hoti. Imassuppādā idaṃ uppajjatīti yo yassa sahajātapaccayo hoti, tassa uppādā itaraṃ uppajjati nāma. Imasmiṃ asatīti avijjādike kāraṇe asati saṅkhārādikaṃ phalaṃ na hoti. Imassa nirodhāti kāraṇassa appavattiyā phalassa appavatti hoti. 3. Kiṃdiṭṭhikasuttavaṇṇanā [93] Tatiye saṇṭhapesunti iriyāpathampi vacanapathampi saṇṭhapesuṃ. Appasaddavinītāti appasaddena mattabhāṇinā satthārā vinītā. Paraghosapaccayā vāti 1- parassa vā vacanakāraṇā. Cetayitāti pakappitā. Maṅkubhūtāti domanassappattā nittejā. Pattakkhandhāti patitakkhandhā. Sahadhammenāti sahetukena sakāraṇena vacanena. 4. Vajjiyamāhitasuttavaṇṇanā [94] Catutthe vajjiyamāhitoti evaṃnāmako. Sabbaṃ tapanti sabbameva dukkarakārikā- tapaṃ. 2- Sabbaṃ tapassinti sabbaṃ tapanissitakaṃ. Lūkhājīvinti dukkarakārikājīvikānu- yogaṃ anuyuttaṃ. Gārayhanti garahitabbayuttakaṃ. Pasaṃsiyanti pasaṃsitabbayuttakaṃ. Venayikoti sayaṃ avinīto aññehi vinetabbo. Appaññattikoti 3- na kiñci paññāpetuṃ sakkoti. Athavā venayikoti sattavināsako. Appaññattikoti apaccakkhaṃ nibbānaṃ paññāpeti, @Footnote: 1 cha.Ma. paratoghosapaccayā vāti 3 cha.Ma. dukkarakārikaṃ @4 cha.Ma. apaññattikoti. evamuparipiThe Pali Atthakatha in Roman Character Volume 16 Page 367. http://84000.org/tipitaka/read/attha_page.php?book=16&page=367&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=16&A=8256&pagebreak=1 http://84000.org/tipitaka/atthapali/rm_line.php?B=16&A=8256&pagebreak=1#p367
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]