อรรถกถาเล่มที่ ๑๖ ภาษาบาลี อักษรไทย
องฺ.อ. (มโนรถ.๓)
หน้าที่ ๓๗๒.

                          ๓. ตติยปณฺณาสก
                        ๑๑. ๑. สมณสญฺญาวคฺค
                       ๑. สมณสญฺญาสุตฺตวณฺณนา
     [๑๐๑] ตติยสฺส ปฐเม สมณสญฺญาติ สมณานํ อุปฺปชฺชนกสญฺญา. สตตการีติ ๑-
นิรนฺตรการี. อพฺยาปชฺโฌติ นิทฺทุกฺโข. อิจฺจตฺถนฺติสฺส ๒- โหตีติ อิทมตฺถํ อิเม
ปจฺจยาติ เอวมสฺส ชีวิตปริกฺขาเรสุ โหติ, ปจฺจเวกฺขิตปริโภคํ ปริภุญฺชตีติ
อตฺโถ. ทุติยํ อุตฺตานตฺถเมว.
                        ๓. มิจฺฉตฺตสุตฺตวณฺณนา
     [๑๐๓] ตติเย วิราธนา โหตีติ สคฺคโต จ มคฺคโต จ วิรชฺฌนํ ๓- โหติ. โน
อาราธนาติ น สมฺปาทนา น ปริปูรการิตา โหติ. ปโหตีติ ปวตฺตติ.
                        ๔-๕. พีชสุตฺตาทิวณฺณนา
     [๑๐๔-๑๐๕] จตุตฺเถ ยถาทิฏฺฐิสมตฺตํ สมาทินฺนนฺติ ทิฏฺฐานุรูเปน ปริปุณฺณํ
สมาทินฺนํ สกลํ คหิตํ. เจตนาติ ตีสุ ทฺวาเรสุ นิพฺพตฺติตเจตนาว คหิตา. ปตฺถนาติ
"เอวรูโป สิยนฺ"ติ เอวํ ปตฺถนา. ปณิธีติ "เทโว วา ภวิสฺสามิ เทวญฺญตโร วา"ติ
จิตฺตฏฺฐปนา. สงฺขาราติ สมฺปยุตฺตสงฺขารา. ปญฺจเม ปุเรจาริกฏฺเฐน ปุพฺพงฺคมา.
อนฺวเทวาติ ตํ อนุพนฺธมานเมว.
                         ๖. นิชฺชรสุตฺตวณฺณนา
     [๑๐๖] ฉฏฺเฐ นิชฺชรวตฺถูนีติ นิชฺชรการณานิ. มิจฺฉาทิฏฺฐิ นิชฺชิณฺณา โหตีติ
อยํ เหฏฺฐา วิปสฺสนายปิ นิชฺชิณฺณา เอวํ ปหีนา, กสฺมา ปุน คหิตาติ?
อสมุจฺฉินฺนตฺตา.
@เชิงอรรถ: ๑ ฉ.ม. สนฺตตการีติ
@๒ ฉ.ม. อิทมตฺถนฺติสฺส  ๓ ม. อิธ วิรุชฺฌนํ


เนื้อความอรรถกถาฉบับภาษาบาลี อักษรไทย เล่มที่ ๑๖ หน้าที่ ๓๗๒.
http://84000.org/tipitaka/read/attha_page.php?book=16&page=372&pages=1&modeTY=2&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=16&A=8369&modeTY=2&pagebreak=1
http://84000.org/tipitaka/atthapali/th_line.php?B=16&A=8369&modeTY=2&pagebreak=1#p372