ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๑๖ ภาษาบาลี อักษรไทย องฺ.อ. (มโนรถ.๓)

หน้าที่ ๓๗๓.

วิปสฺสนาย หิ กิญฺจาปิ นิชฺชิณฺณา, น ปน สมุจฺฉินฺนา. มคฺโค ปน อุปฺปชฺชิตฺวา
ตํ สมุจฺฉินฺทติ, น ปุน วุฏฺฐาตุํ เทติ. ตสฺมา ปุน คหิตา. เอวํ สพฺพปเทสุ นโย
เวทิตพฺโพ. ๑- เอตฺถ จ สมฺมาวิมุตฺติปจฺจยา จตุสฏฺฐิ ธมฺมา ภาวนาปาริปูรึ
คจฺฉนฺติ. กตเม จตุสฏฺฐิ? โสตาปตฺติมคฺคกฺขเณ อธิโมกฺขฏฺเฐน สทฺธินฺทฺริยํ
ปริปูรติ, ปคฺคหฏฺเฐน วิริยินฺทฺริยํ, อุปฏฺฐานฏฺเฐน สตินฺทฺริยํ, อวิกฺเขปฏฺเฐน
สมาธินฺทฺริยํ, ทสฺสนฏเฐน ปญฺญินฺทฺริยํ ปริปูรติ, วิชานนฏฺเฐน มนินฺทฺริยํ,
อภินนฺทนฏฺเฐน โสมนสฺสินฺทฺริยํ, ปวตฺตสนฺตติอธิปตฺยฏฺเฐน ชีวิตินฺทฺริยํ
ปริปูรติ ฯเปฯ อรหตฺตผลกฺขเณ อธิโมกฺขฏฺเฐน สทฺธินฺทฺริยํ ปริปูรติ ฯเปฯ
ปวตฺตสนฺตติอธิปตฺยฏฺเฐน ชีวิตินฺทฺริยํ ปริปูรตีติ เอวํ จตูสุ มคฺเคสุ จตูสุ จ
ผเลสุ อฏฺฐฏฺฐ  หุตฺวา จตุสฏฺฐิ ธมฺมา ปาริปูรึ คจฺฉนฺติ.
                        ๗. โธวนาสุตฺตวณฺณนา
     [๑๐๗] สตฺตเม โธวนนฺติ อฏฺฐิโธวนํ. ตสฺมึ หิ ชนปเท มนุสฺสา ญาตเก
มเต น ฌาเปนฺติ, อาวาฏํ ปน ขณิตฺวา ภูมิยํ นิทหนฺติ. อถ เนสํ ปูติภูตานํ อฏฺฐีนิ
นีหริตฺวา โธวิตฺวา ปฏิปาฏิยา อุสฺสาเปตฺวา คนฺธมาลาทีหิ ปูเชตฺวา ฐเปนฺติ.
นกฺขตฺเต ปตฺเต ตานิ อฏฺฐีนิ คเหตฺวา โรทนฺติ ปริเทวนฺติ, ตโต นกฺขตฺตํ กีฬนฺติ.
                      ๘-๑๐. ติกิจฺฉกสุตฺตาทิวณฺณนา
     [๑๐๘-๑๑๐] อฏฺฐเม วิเรจนนฺติ โทสนีหรณเภสชฺชํ. วิริตา ๒- โหตีติ นีหฏา
โหติ ปนุทิตา. นวเม วมนนฺติ วมนเภสชฺชํ. ๓- ทสเม นิทฺธมนิยาติ นิทฺธมิตพฺพา.
นิทฺธนฺตาติ นิทฺธมิตา.
                       ๑๑. ปฐมอเสขสุตฺตวณฺณนา
     [๑๑๑] เอกาทสเม องฺคปริปูรณตฺถํ สมฺมาทิฏฺฐิเยว สมฺมาญาณนฺติ วุตฺตา.
เอวเมเต สพฺเพปิ อรหตฺตผลธมฺมา โหนฺติ, ๔- อเสขสฺส ปวตฺตตฺตา ปจฺจเวกฺขณญาณมฺปิ
อเสขนฺติ วุตฺตํ.
@เชิงอรรถ:  ฉ.ม. โยเชตพฺโพ   ฉ.ม. วิริตฺตา   ฉ.ม. วมนกรณเภสชฺชํ   ฉ.ม.อรหตฺตผลธมฺมา
@อเสขา



เนื้อความอรรถกถาฉบับภาษาบาลี อักษรไทย เล่มที่ ๑๖ หน้าที่ ๓๗๓. http://84000.org/tipitaka/read/attha_page.php?book=16&page=373&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=16&A=8391&modeTY=2&pagebreak=1 http://84000.org/tipitaka/atthapali/th_line.php?B=16&A=8391&modeTY=2&pagebreak=1#p373


จบการแสดงผล หน้าที่ ๓๗๓.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]