ATTHAKATHA Book 16 : PALI ROMAN
An.A. (manoratha.3)
Page 39.

Vinivijjhanatthena. Sappasirupama sasankasappatibhayatthena. Ussahissamiti ussaham
karissami. Dharayissamiti samanabhavam dharessami. 1- Abhiramissamiti abhiratim
uppadessami na ukkanthissami. Sesamettha uttanameva. Imasmim sutte
vattavivattam kathitanti.
                      7. Pathamaanagatabhayasuttavannana
     [77] Sattame arannakenati arannavasina. Appattassati asampattassa
jhanavipassanamaggaphalappabhedassa visesassa pattiya. Sesapadesupi eseva nayo. So
mamassa antarayoti so mama jivitantarayo ca brahmacariyantarayo ca, puthujjana-
kalakiriyam karontassa saggantarayo ca maggantarayo ca bhaveyya. Handati
vavassaggatthe 2- nipato. Viriyam arabhamiti duvidhampi viriyam karomi. Satthakati sattham
viya sandhibandhanacchedaka vata. Valehiti kakkhalehi. Manavehiti corehi.
Katakammehi va akatakammehi vati ettha corikam katva nikkhanta katakamma nama,
corikam katum gacchanta akatakamma nama. Tattha katakamma kammassa nipphannatta
sattanam galalohitam gahetva devatanam balim karonti, akatakamma "evam no kammam
nipphajjissati"ti pathamataram karonti. Idam sandhaya te mam jivita voropeyyunti
vuttam. Vala amanussati kakkhala duttha yakkhadayo amanussa.
                      8. Dutiyaanagatabhayasuttavannana
     [78] Atthame pura mam so dhammo agacchatiti yava so dhammo mam na
upagacchati, tava aham puretarameva viriyam arabhamiti attho. Khirodakibhutati khirodakam
viya bhuta ekibhavam upagata. Piyacakkhuhiti mettacakkhuhi.
@Footnote: 1 cha.Ma. dharayissami  2 Ma. vacanasamatthe


The Pali Atthakatha in Roman Character Volume 16 Page 39.
http://84000.org/tipitaka/read/attha_page.php?book=16&page=39&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_rm.php?B=16&A=880&modeTY=2&pagebreak=1
http://84000.org/tipitaka/atthapali/rm_line.php?B=16&A=880&modeTY=2&pagebreak=1#p39