ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๑๖ ภาษาบาลี อักษรไทย องฺ.อ. (มโนรถ.๓)

หน้าที่ ๔.

                            ๒. พลวคฺค
                        ๑. อนนุสฺสุตสุตฺตวณฺณนา
    [๑๑] ทุติยสฺส ปฐเม ปุพฺพาหํ ภิกฺขเว อนนุสฺสุเตสุ ธมฺเมสูติ อหํ
ภิกฺขเว ปุพฺเพ อนนุสฺสุเตสุ ธมฺเมสุ จตุสจฺจธมฺเมสุ. อภิญฺญาโวสานปารมิปฺปตฺโต
ปฏิชานามีติ จตูสุ สจฺเจสุ จตูหิ มคฺเคหิ โสฬสวิธสฺส กิจฺจสฺส กรเณน
อภิชานิตฺวา โวสานปารมึ สพฺเพสํ กิจฺจานํ นิฏฺฐิตตฺตา กตกิจฺจภาวํ ปารํ
ปตฺโต ปฏิชานามีติ มหาโพธิปลฺลงฺเก อตฺตโน อาคมนียคุณํ ทสฺเสติ. ตถาคตสฺสาติ
อฏฺฐหิ การเณหิ ตถาคตสฺส. ตถาคตพลานีติ ยถา เตหิ คนฺตพฺพํ, ตเถว คตานิ
ปวตฺตานิ ญาณพลานิ. อาสภณฺฐานนฺติ เสฏฺฐฏฺฐานํ. สีหนาทนฺติ อภีตนาทํ.
พฺรหฺมจกฺกนฺติ เสฏฺฐจกฺกํ. ปวตฺเตตีติ กเถติ. ๑-
                          ๒. กูฏสุตฺตวณฺณนา
    [๑๒] ทุติเย เสขพลานีติ เสขานํ ญาณพลานิ. อคฺคนฺติ อุตฺตมํ. เสสพลานิ
โคปานสิโย กูฏํ วิย สงฺคณฺหาตีติ สงฺคาหิกํ. ตาเนว พลานิ สํหตานิ กโรตีติ
สงฺฆาตนิยํ.
                        ๓. สงฺขิตฺตสุตฺตวณฺณนา
    [๑๓] ตติเย ตตฺถ มุฏฺฐสจฺเจน ๒- น กมฺปตีติ สติพลํ. อุทฺธจฺเจน ๓-
กมฺปตีติ สมาธิพลํ.
                         ๔. วิตฺถตสุตฺตวณฺณนา
    [๑๔] จตุตฺเถ สติเนปกฺเกนาติ เอตฺถ เนปกฺกํ วุจฺจติ ปญฺญา, สา สติยา
อุปการภาเวน คหิตา.
@เชิงอรรถ:  สี.,ม. ปวตฺเตตีติ ปวตฺเตติ กเถติ   ฉ.ม. มุฏฺฐสฺสจฺเจ   ฉ.ม. อุทฺธจฺเจ



เนื้อความอรรถกถาฉบับภาษาบาลี อักษรไทย เล่มที่ ๑๖ หน้าที่ ๔. http://84000.org/tipitaka/read/attha_page.php?book=16&page=4&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=16&A=68&modeTY=2&pagebreak=1 http://84000.org/tipitaka/atthapali/th_line.php?B=16&A=68&modeTY=2&pagebreak=1#p4


จบการแสดงผล หน้าที่ ๔.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]