9. Pathamasekhasuttavannana
[89] Navame sekhassati sikkhakassa sakaraniyassa. Parihanayati uparigunehi 1-
parihanatthaya. Kammaramatati navakamme ramanakabhavo. Bhassaramatati allapasallape
ramanakabhavo. Niddaramatati niddaya 2- ramanakabhavo. Sanganikaramatati
ganasanganikaya ramanakabhavo. Yathavimuttam cittam na paccavekkhatiti yatha 3- yam
cittam vimuttam, ye ca dosa pahina, guna ca patiladdha, te paccavekkhitva
uparigunapatilabhaya vayamam na karotiti attho. Iti imasmim sutte sattannam
sekhanam uparigunehi parihanikarananca vuddhikarananca kathitam. Yanca nama
sekhassa parihanikaranam, tam puthujjanassa pathamameva hotiti.
10. Dutiyasejasuttavannana
[90] Dasame viyattoti byatto cheko. Kimkaraniyesuti iti kattabbesu.
Cetosamathanti samadhikammatthanam. Ananulomikenati sasanassa ananucchavikena.
Atikalenati atipatova. Atidivati diva vuccati majjhantiko, tam atikkamitva.
Abhisallekhikati ativiya kilesasallekhika. Cetovivaranasappayati cittavivaranasankhatanam
samathavipassananam sappaya. Appicchakathati appiccha hothati kathanakatha.
Santutthikathati catuhi paccayehi santuttha hothati kathanakatha. Pavivekakathati tihi
vivekehi vivitta hothati kathanakatha. Asamsaggakathati pancavidhena samsaggena
asamsattha hothati kathanakatha. Viriyarambhakathati duvidham viriyam arabhathati kathanakatha.
Silakathadisu silam arabbha katha silakatha. Samadhim arabbha, pannam arabbha,
pancavidham vimuttim arabbha, ekunavisatipaccavekkhanasankhatam vimuttinanadassanam arabbha
katha vimuttinanadassanakatha. Na nikamalabhitiadisu na icchiticchitalabhi dukkhalabhi
na vipulalabhiti attho. Sesam uttanamevati.
Theravaggo catuttho.
@Footnote: 1 Ma. upariuparigunehi 2 cha.Ma. niddayane 3 Si. yathassa
The Pali Atthakatha in Roman Character Volume 16 Page 43.
http://84000.org/tipitaka/read/attha_page.php?book=16&page=43&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=16&A=963&modeTY=2&pagebreak=1
http://84000.org/tipitaka/atthapali/rm_line.php?B=16&A=963&modeTY=2&pagebreak=1#p43
