ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
 Page
 Display
page(s)
chage to ENGLISH letter
ATTHAKATHA Book 16 : PALI ROMAN Aṅ.A. (manoratha.3)

Page 46.

                          3. Tatiyapaṇṇāsaka
                        11. 1. Phāsuvihāravagga
                        1. Sārajjasuttavaṇṇanā
     [101] Tatiyassa paṭhame vesārajjakaraṇāti visāradabhāvāvahā. 1- Sārajjaṃ hotīti
domanassaṃ hoti.
                        2. Ussaṅkitasuttavaṇṇanā
     [102] Dutiye ussaṅkitaparisaṅkitoti ussaṅkito ca parisaṅkito ca. Api
akuppadhammopīti api akuppadhammo khīṇāsavo samānopi parehi pāpabhikkhūhi ussaṅkita-
parisaṅkito hotīti attho. Vesiyāgocarotiādīsu vesiyā vuccanti rūpūpajīviniyo,
tā gocaro assāti vesiyāgocaro, tāsaṃ gehaṃ abhiṇhagamanoti attho. Sesapadesu
eseva nayo. Tattha pana vidhavāti matapatikā. Thullakumārīti mahallikakumāriyo.
                        3. Mahācorasuttavaṇṇanā
     [103] Tatiye ito bhogena paṭisantharissāmīti ito mama sāpateyyato bhogaṃ
gahetvā tena paṭisanthāraṃ karissāmi, tassa ca mama ca antaraṃ pidahissāmīti
attho. Gahaṇānīti parasantakānaṃ bhaṇḍānaṃ gahaṇāni. Guyhamantāti guhitabbamantā.
Antaggāhikāyāti sassataṃ vā ucchedaṃ vā gahetvā ṭhitāya. Sesamettha uttānatthameva.
Catutthe sabbaṃ heṭṭhā vuttanayameva.
                       5. Phāsuvihārasuttavaṇṇanā
     [105] Pañcame mettaṃ kāyakammanti mettacittena pavattitaṃ kāyakammaṃ.
Āvi ceva raho cāti sammukhe ceva parammukhe ca. Itaresupi eseva nayo.
@Footnote: 1 Sī. ñāṇasomanassakaraṇā visāradabhāvāvahā



The Pali Atthakatha in Roman Character Volume 16 Page 46. http://84000.org/tipitaka/read/attha_page.php?book=16&page=46&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=16&A=1030&pagebreak=1 http://84000.org/tipitaka/atthapali/rm_line.php?B=16&A=1030&pagebreak=1#p46


บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ DhammaPerfect@yahoo.com