ATTHAKATHA Book 16 : PALI ROMAN
An.A. (manoratha.3)
Page 46.

                          3. Tatiyapannasaka
                        11. 1. Phasuviharavagga
                        1. Sarajjasuttavannana
     [101] Tatiyassa pathame vesarajjakaranati visaradabhavavaha. 1- Sarajjam hotiti
domanassam hoti.
                        2. Ussankitasuttavannana
     [102] Dutiye ussankitaparisankitoti ussankito ca parisankito ca. Api
akuppadhammopiti api akuppadhammo khinasavo samanopi parehi papabhikkhuhi ussankita-
parisankito hotiti attho. Vesiyagocarotiadisu vesiya vuccanti rupupajiviniyo,
ta gocaro assati vesiyagocaro, tasam geham abhinhagamanoti attho. Sesapadesu
eseva nayo. Tattha pana vidhavati matapatika. Thullakumariti mahallikakumariyo.
                        3. Mahacorasuttavannana
     [103] Tatiye ito bhogena patisantharissamiti ito mama sapateyyato bhogam
gahetva tena patisantharam karissami, tassa ca mama ca antaram pidahissamiti
attho. Gahananiti parasantakanam bhandanam gahanani. Guyhamantati guhitabbamanta.
Antaggahikayati sassatam va ucchedam va gahetva thitaya. Sesamettha uttanatthameva.
Catutthe sabbam hettha vuttanayameva.
                       5. Phasuviharasuttavannana
     [105] Pancame mettam kayakammanti mettacittena pavattitam kayakammam.
Avi ceva raho cati sammukhe ceva parammukhe ca. Itaresupi eseva nayo.
@Footnote: 1 Si. nanasomanassakarana visaradabhavavaha


The Pali Atthakatha in Roman Character Volume 16 Page 46.
http://84000.org/tipitaka/read/attha_page.php?book=16&page=46&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_rm.php?B=16&A=1030&modeTY=2&pagebreak=1
http://84000.org/tipitaka/atthapali/rm_line.php?B=16&A=1030&modeTY=2&pagebreak=1#p46