บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 16 : PALI ROMAN Aṅ.A. (manoratha.3) Page 49.
5. Maccharinīsuttavaṇṇanā [115] Pañcame āvāsamaccharinīti āvāsaṃ maccharāyati, tattha aññesaṃ vāsaṃ na sahati. Kulamaccharinīti upaṭṭhākakulaṃ maccharāyati, aññesaṃ tattha upasaṅkamanaṃ na sahati. Lābhamaccharinīti lābhaṃ maccharāyati, aññesantaṃ upapajjantaṃ na sahati. Vaṇṇamaccharinīti guṇaṃ maccharāyati, aññesaṃ guṇakathaṃ na sahati, dhammamaccharinīti pariyattidhammaṃ maccharāyati, aññesaṃ dātuṃ na icchati. 6-7. Vaṇṇanāsuttādivaṇṇanā [116-117] Chaṭṭhe saddhādeyyaṃ vinipātetīti parehi saddhāya dinnapiṇḍapātato aggaṃ agahetvā parassa deti. Sattame issukinīti issāya samannāgatā. Sesaṃ sabbattha uttānamevāti. Andhakavindavagago dutiyo. -------------- 13. 3. Gilānavagga 4. Dutiyaupaṭṭhākasuttavaṇṇanā [124] Tatiyassa catutthe na paṭibaloti kāyabalena ca ñāṇabalena ca na samannāgato. 1- Āmisantaroti āmisahetuko cīvarādīni paccāsiṃsamāno. 5-6. Anāyussāsuttadvayavaṇṇanā [125-126] Pañcame anāyussāti āyupacchedanā na āyuvaḍḍhanā. Chaṭṭhepi eseva nayo. @Footnote: 1 cha.Ma. asamannāgatoThe Pali Atthakatha in Roman Character Volume 16 Page 49. http://84000.org/tipitaka/read/attha_page.php?book=16&page=49&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=16&A=1095&pagebreak=1 http://84000.org/tipitaka/atthapali/rm_line.php?B=16&A=1095&pagebreak=1#p49
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]