บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 16 : PALI ROMAN An.A. (manoratha.3) Page 51.
Tathagatavare atthannuti panca atthe janati. Dhammannuti cattaro dhamme janati. Mattannuti catusu paccayesu patiggahanaparibhogamattam janati. Kalannuti ayam kalo patisallanassa, 1- ayam samapattiya, ayam dhammadesanaya, ayam janapadacarikayati evam kalam janati. Parisannuti ayam parisa khattiyaparisa .pe. Ayam samanaparisati janati. Anuttaranti navahi lokuttaradhammehi anuttaram. Dhammacakkanti setthacakkam. 2. Dutiyacakkanuvattanasuttavannana [132] Dutiye pitara pavattitam cakkanti cakkavattimhi pabbajite va kalakate va cakkaratanam sattahamattam thatva antaradhayati, kathamesa tam anuppavatteti nama? pituppaveniyam thatva cakkavattivattam puretva cakkavattirajjam karentopi pitara pavattitameva anuppavatteti nama. 3. Dhammarajasuttavannana [133] Tatiyam tikanipate vuttanayameva. Sevitabbasevitabbe panettha pacchimapadadvayameva viseso. Tattha sammaajivo sevitabbo, micchaajivo na sevitabbo. Sappayo gamanigamo sevitabbo, asappayo na sevitabbo. 4. Yassamdisamsuttavannana [134] Catutthe ubhatoti dvihipi pakkhehi. Matito ca pitito cati yassa hi mata khattiya, matu mata khattiya, tassapi mata khattiya. Pita khattiyo, pitu pita khattiyo, tassapi pita khattiyo. So ubhato sujato matito ca pitito ca. Samsuddhagahanikoti samsuddhaya matukucchiya samannagato. "samavepakiniya gahaniya"ti ettha pana kammajatejodhatugahaniti vuccati. Yava sattama pitamahayugati @Footnote: 1 cha.Ma. patisallinassaThe Pali Atthakatha in Roman Character Volume 16 Page 51. http://84000.org/tipitaka/read/attha_page.php?book=16&page=51&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=16&A=1136&modeTY=2&pagebreak=1 http://84000.org/tipitaka/atthapali/rm_line.php?B=16&A=1136&modeTY=2&pagebreak=1#p51
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]