ATTHAKATHA Book 16 : PALI ROMAN
An.A. (manoratha.3)
Page 56.

Cetovimuttim .pe. Nirujjhantiti arahattam pana appatto hoti. Pancamanayena
khinasavo kathito.
     Arabhajati 1- apattivitikkamasambhava. Vippatisarajati vippatisarato jata.
Pavaddhantiti punappunam uppajjanena vaddhanti. Arabhaje asave pahayati
vitikkamasambhave asave apattidesanaya va apattivutthanena va pajahitva.
Pativinodetvati suddhante thitabhavappaccavekkhanena niharitva. Cittam pannanca
bhavetuti vipassanacittanca tamsampayuttapannanca bhavetu. Sesam imina upayeneva
veditabbanti.
                        3. Sarandadasuttavannana
     [143] Tatiye kamadhimuttananti vatthukamakilesakamesu adhimuttanam. Dhammanu-
dhammapatipannoti navalokuttaradhammatthaya sahasilakam pubbabhagapatipadam patipanno
patipattipurako puggalo dullabho lokasmim.
                        4. Tikandakisuttavannana
     [144] Catutthe appatikuleti appatikularammane. Patikulasanniti patikulanti
evamsanni. 2- Eseva nayo sabbattha. Katham panayam evam viharatiti? itthasmim vatthusmim
pana asubhaya va pharati, aniccato va upasamharati. Evam tava appatikule patikulasanni
viharati. Anitthasmim vatthusmim mettaya va pharati, dhatuto va upasamharati. Evam
patikule appatikulasanni viharati. Ubhayasmim pana purimanayassa ca pacchimanayassa ca
vasena tatiyacatutthavara vutta, chalangupekkhavasena pancamo. Chalangupekkha cesa
khinasavassa upekkhasadisa, na pana khinasavupekkha. Tattha upekkhako vihareyyati
majjhattabhave thito vihareyya. Kvaciniti 3- kisminci arammane. Katthaciti
kisminca
@Footnote: 1 cha.Ma. arambhajati  2 Ma. evam katasanni  3 cha.Ma. kvacaniti


The Pali Atthakatha in Roman Character Volume 16 Page 56.
http://84000.org/tipitaka/read/attha_page.php?book=16&page=56&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_rm.php?B=16&A=1249&modeTY=2&pagebreak=1
http://84000.org/tipitaka/atthapali/rm_line.php?B=16&A=1249&modeTY=2&pagebreak=1#p56