ATTHAKATHA Book 16 : PALI ROMAN
An.A. (manoratha.3)
Page 67.

Idam bhavanam agganti ayam pacchimo attabhavo bhavanam aggam nama. Athava
yathabhutassati yehi khandhehi maggakkhane bhutassa vijjamanassa. Anantara asavanam
khayo hotiti magganantarameva phalam uppajjati. Idam bhavanam agganti idam maggakkhane
khandhapancakam bhavanam aggam namati.
                         Aghatavaggo dutiyo.
                       -------------------
                         18. 3. Upasakavagga
                      1-3. Sarajjasuttadivannana
     [171-173] Tatiyassa pathamadutiyatatiyesu agariyappatipatti kathita. Sotapanna-
sakadagaminopi hontu, vattantiyeva.
                         4. Verasuttavannana
     [174] Catutthe bhayaniti cittutrasabhayani. Veraniti akusalaveranipi
puggalaveranipi. Cetasikanti cittanissitam. Dukkhanti kayappasadavatthukam dukkham.
Domanassanti domanassavedanam. Imasmim sutte viratippahanam kathitam.
                        5. Candalasuttavannana
     [175] Pancame upasakapatikitthoti 1- upasakapacchimako. Kotuhalamangalikoti
"imina idam bhavissati"ti evam pavattatta kotuhalasankhatena  ditthasutamutamangalena
samannagato. Mangalam pacceti no kammanti mangalam oloketi, kammam na oloketi.
Ito ca bahiddhati imamha sasana bahiddha. Pubbakaram karotiti danadikam
kusalakiccam pathamataram karoti.
@Footnote: 1 cha.Ma. upasakapatikutthoti


The Pali Atthakatha in Roman Character Volume 16 Page 67.
http://84000.org/tipitaka/read/attha_page.php?book=16&page=67&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_rm.php?B=16&A=1493&modeTY=2&pagebreak=1
http://84000.org/tipitaka/atthapali/rm_line.php?B=16&A=1493&modeTY=2&pagebreak=1#p67