Imassa panatthassa avibhavanattham madhurambabijam ropetva samanta mariyadam
bandhitva kalanukalam udakam asincitva kalanukalam mulani sodhetva kalanukalam
patitapanake haretva 1- kalanukalam makkatakajalam lunacitva ambam patijagganto
puriso dassetabbo. Tassa hi purimassa madhurambabijaropanam viya vipassanasammaditthi
datthabba, mariyadabandhanam viya silena anugganhanam, udakasecanam viya sutena
anugganhanam, mulaparisodhanam sakacchaya anugganhanam, panakaharanam viya jhanavipassananam
paripanthikasodhanavasena samathanugganhanam, makkatakajalaluncanam viya balavavipassananugganhanam,
evam anuggahitassa rukkhassa khippameva vaddhitva phalappadanam viya imehi siladihi
anuggahitaya mulaya sammaditthiya khippameva maggavasena vaddhitva
cetovimuttiphalapannavimuttiphalappadanam veditabbam.
6. Vimuttayatanasuttavannana
[26] Chatthe vimuttayatananiti vimuccanakaranani. Yatthati yesu vimuttayatanesu.
Sattha dhammam desetiti catusaccadhammam deseti. Atthapatisamvedinoti paliattham
janantassa. Dhammapatisamvedinoti palim janantassa. Pamujjanti tarunapiti. Pititi
tutthakarabhuta balavapiti. Kayoti namakayo. Passambhatiti patippassambhati. Sukham
vedetiti sukham patilabhati. Cittam samadhiyatiti arahattaphalasamadhina samadhiyati. Ayam hi tam
dhammam sunanto agatagatatthane jhanavipassanamaggaphalani janati, tassa evam
janato piti uppajjati. So tassa pitiya antara osakkitum na dento upacara-
kammatthaniko hutva vipassanam vaddhetva arahattam papunati. Tam sandhaya vuttam
"cittam samadhiyati"ti. Sesesupi eseva nayo. Ayam pana viseso:- samadhinimittanti
atthatimsaya arammanesu annataro samadhiyeva samadhinimittam. Suggahitam hotitiadisupi
acariyasantike kammatthanam ugganhantena sutthu gahitam hoti sutthu manasikatam sutthu
@Footnote: 1 Si. haritva
The Pali Atthakatha in Roman Character Volume 16 Page 8.
http://84000.org/tipitaka/read/attha_page.php?book=16&page=8&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=16&A=158&modeTY=2&pagebreak=1
http://84000.org/tipitaka/atthapali/rm_line.php?B=16&A=158&modeTY=2&pagebreak=1#p8
