อรรถกถาเล่มที่ ๑๖ ภาษาบาลี อักษรไทย
องฺ.อ. (มโนรถ.๓)
หน้าที่ ๘๔.

                          ๕. ปญฺจมปณฺณาสก
                         ๒๑. ๑. กิมฺพิลวคฺค
                         ๑. กิมฺพิลสุตฺตวณฺณนา
     [๒๐๑] ปญฺจมสฺส ปเม กิมฺพิลายนฺติ ๑- เอวํนามเก นคเร. นิจุลวเนติ ๒-
มุจฺจลินฺทวเน. เอตทโวจาติ อยํ กิร เถโร ตสฺมึเยว นคเร เสฏฺิปุตฺโต สตฺถุ
สนฺติเก ปพฺพชิตฺวา ปุพฺเพนิวาสาณํ ปฏิลภิ, โส อตฺตนา นิวุฏฺ ขนฺธสนฺตานํ
อนุสฺสรนฺโต กสฺสปทสพลสฺส สาสโนสกฺกนกาเล ปพฺพชิตฺวา จตูสุ ปริสาสุ
สาสเน อคารวํ กโรนฺตีสุ นิสฺเสณึ พนฺธิตฺวา ปพฺพตํ อารุยฺห ตตฺถ สมณธมฺมํ
กตฺวา อตฺตโน นิวุฏฺภาวํ ๓- อทฺทส. โส "สตฺถารํ อุปสงฺกมิตฺวา ตํ การณํ
ปุจฺฉิสฺสามี"ติ ตํ ๔- "โก นุ โข ภนฺเต"ติอาทิวจนํ อโวจ.
              สตฺถริ อคารวา วิหรนฺติ อปฺปติสฺสาติ สตฺถริ คารวญฺเจว
เชฏฺกภาวญฺจ อนุปฏฺเปตฺวา วิหรนฺติ. เสเสสุปิ เอเสว นโย. ตตฺถ เจติยงฺคณาทีสุ
ฉตฺตํ ธาเรตฺวา อุปาหนา อารุยฺห วิจรนฺโต นานปฺปการญฺจ นิรตฺถกกถํ กเถนฺโต
สตฺถริ อคารโว วิหรติ นาม. ธมฺมสฺสวนคฺเค ปน นิสีทิตฺวา นิทฺทายนฺโต เจว
นานปฺปการญฺจ นิรตฺถกกถํ กเถนฺโต ธมฺเม อคารโว วิหรติ นาม. สํฆมชฺเฌ
พาหาวิกฺเขปกํ นานตฺถกถํ กเถนฺโต เถรนวมชฺฌิเมสุ จ จิตฺตีการํ อกโรนฺโต
สํเฆ อคารโว วิหรติ นาม. สิกฺขํ อปริปูเรนฺโต สิกฺขาย อคารโว วิหรติ
นาม. อญฺมญฺ กลหภณฺฑนาทีนิ กโรนฺโต อญฺมญฺ อคารโว วิหรติ
นาม. ทุติยํ อุตฺตานตฺถเมว.
                       ๓. อสฺสาชานียสุตฺตวณฺณนา
     [๒๐๓-๒๐๔] ตติเย อาชฺชเวนาติ ๕- อุชุกภาเวน อวงฺกคมเนน. ชเวนาติ
@เชิงอรรถ: ๑ ฉ.ม. กิมิลายนฺติ  ๒ สี. นิเจลุวเนติ, ม. เวฬุวเนติ  ๓ ม. นิพฺพตฺตภาวํ
@๔ ฉ.ม. เอตํ  ๕ ฉ.ม. อชฺชเวนาติ


เนื้อความอรรถกถาฉบับภาษาบาลี อักษรไทย เล่มที่ ๑๖ หน้าที่ ๘๔.
http://84000.org/tipitaka/read/attha_page.php?book=16&page=84&pages=1&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=16&A=1872&pagebreak=1
http://84000.org/tipitaka/atthapali/th_line.php?B=16&A=1872&pagebreak=1#p84