Padajavena. Maddavenati sariramudutaya. Khantiyati adhivasanakkhantiya. Soraccenati
sucisilataya. Bhikkhuvare ajjavanti nanassa ujukagamanam. Javoti surassa 1- hutva
nanassa gamanabhavo. 2- Maddavanti silamaddavam. Khantiti adhivasanakkhantiyeva.
Soraccanti 3- sucisilatayeva. Catutthe pancabalani missakani kathitani.
5. Cetokhilasuttavannana
[205] Pancame cetokhilati cittassa thaddhabhava kacavarabhava khanukabhava. Satthari
kankhatiti satthu sarire va gune va kankhati. Sarire kankhamano "dvattimsavarapurisalakkhana-
patimanditam nama sariram atthi nu kho natthi"ti kankhati, gune kankhamano
"atitanagatapaccuppannajananasamattham sabbannutananam atthi nu kho natthi"ti kankhati.
Vicikicchatiti vicinanto kicchati, dukkham apajjati, vinicchitum 4- na sakkoti.
Nadhimuccatiti evametanti adhimokkham na patilabhati. Na sampasidatiti gunesu otaritva
nibbicikicchabhavena pasiditum anavilo bhavitum na sakkoti. Atappayati
kilesasantapakaviriyakaranatthaya. Anuyogayati punappunam yogaya. Sataccayati
satatakiriyaya. Padhanayati padahanatthaya. Ayam pathamo cetokhiloti ayam satthari
vicikicchasankhato pathamo cittassa thaddhabhavo evameva tassa 5- bhikkhuno appahino
hoti.
Dhammeti pariyattidhamme ca pativedhadhamme ca. Pariyattidhamme kankhamano "tepitakam
buddhavacanam caturasitidhammakkhandhasahassaniti vadanti, atthi nu kho etam natthi"ti
kankhati. Pativedhadhamme kankhamano "vipassananissando maggo nama, magganissando 6-
phalannama, sabbasankharapatinissaggo nibbanam namati vadanti, tam atthi nu kho
natthi"ti kankhati. Samghe kankhatiti "ujupatipanno"tiadinam padanam vasena "evarupam
patipadam patipanno cattaro maggattha cattaro phalatthati atthannam puggalanam
@Footnote: 1 cha. suram 2 Si. vahanabhavo 3 cha.Ma. soraccam
@4 vinicchetum 5 cha.Ma. evametassa 6 cha.Ma. magganissandam
The Pali Atthakatha in Roman Character Volume 16 Page 85.
http://84000.org/tipitaka/read/attha_page.php?book=16&page=85&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=16&A=1895&modeTY=2&pagebreak=1
http://84000.org/tipitaka/atthapali/rm_line.php?B=16&A=1895&modeTY=2&pagebreak=1#p85
