บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 16 : PALI ROMAN An.A. (manoratha.3) Page 86.
Samuhabhuto samgho nama atthi nu kho natthi"ti kankhati. Sikkhaya kankhamano "adhisilasikkha nama adhicittasikkha adhipannasikkha namati vadanti, sa atthi nu kho natthi"ti kankhati. Ayam pancamoti ayam sabrahmacarisu kopasankhato pancamo cittassa thaddhabhavo kacavarabhavo khanukabhavo. 6. Vinibandhasuttavannana [206] Chatthe cetasovinibandhati cittam vinibandhitva mutthiyam katva viya ganhantiti cetasovinibandha. Kameti vatthukamepi kilesakamepi. Kayeti attano kaye. Rupeti bahiddharupe. Yavadatthanti yattakam icchati, tattakam. Udaravadehakanti udarapuram. Tanhi udaram avadehanato udaravadehakanti vuccati. Seyyasukhanti mancapithasukham utusukham va. Passasukhanti yatha samparivattakam sayantassa dakkhinapassavamapassanam sukham hoti, evam uppannam sukham. Middhasukhanti niddasukham. Anuyuttoti yuttappayutto viharati. Panidhayati patthayitva. Silenatiadisu silanti catuparisuddhisilam. Vattanti vattasamadanam. Tapoti tapacaranam. Brahmacariyanti methunavirati. Devo va bhavissamiti mahesakkhadevo va bhavissami. Devannataro vati appesakkhadevesu va annataroti. 7-8. Yagusuttadivannana [207-208] Sattame vatam anulometiti vatam anulometva harati. Vatthim sodhetiti dhamaniyo suddha karoti. Amavasesam pacetiti sace amavasesakam hoti, tam paceti. Atthame acakkhussanti na cakkhunam hitam, cakkhum visuddhim 1- na karoti. 9. Gitassarasuttavannana [209] Navame ayatakenati dighena, paripunnapadabyanjanakam 2- gathavattanca @Footnote: 1 cha.Ma. cakkhum visuddham 2 Si. paripunnapadabyanjanatamThe Pali Atthakatha in Roman Character Volume 16 Page 86. http://84000.org/tipitaka/read/attha_page.php?book=16&page=86&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=16&A=1919&modeTY=2&pagebreak=1 http://84000.org/tipitaka/atthapali/rm_line.php?B=16&A=1919&modeTY=2&pagebreak=1#p86
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]