Tesaṃ tesaṃ sikkhāpadānaṃ vasena veditabbāni. Chaṭṭhe ativelanti atikkantap-
pamāṇakālaṃ. Sattamaṃ uttānatthameva.
8. Ussūrabhattasuttavaṇṇanā
[228] Aṭṭhame ussūrabhatteti atidivāpacanabhatte. Na kālena paṭipūjentīti
yāgukāle yāguṃ, khajjakakāle khajjakaṃ, bhojanakāle bhojanaṃ apacantā yuttappayutta-
kālassa atināmitattā na kālena paṭipūjenti, attano citteneva denti nāma.
Tato tepi tesu attano gehaṃ āgatesu tatheva karonti. Kulappaveṇiyā āgatā
balipaṭiggāhikā devatāpi yuttappayuttakālena lābhaṃ labhamānāyeva rakkhanti gopayanti
pīḷaṃ akatvā. Akāle labhamānā pana "ime amhesu anādarā"ti ārakkhaṃ na
karonti.
Samaṇabrāhmaṇāpi "etesaṃ gehe bhojanavelāya bhojanaṃ na hoti, ṭhitamajjhantike
dentī"ti maṅgalāmaṅgalesu kātabbaṃ na karonti. Vimukhā kammaṃ karontīti "pāto
kiñci na labhāma, khuddāya paṭipīḷitā kammaṃ kātuṃ na sakkomā"ti kammaṃ vissajjetvā
nisīdanti. Anojavantaṃ hotīti akālabhuttaṃ ojaṃ pharituṃ 1- na sakkoti. Sukkapakkho
vuttavipallāsena veditabbo.
9. Paṭhamakaṇhasappasuttavaṇṇanā
[229] Navame sabhīrūti saniddo mahāniddaṃ niddāyati. Sappaṭibhayoti taṃ
nissāya bhayaṃ uppajjati, tasmā sappaṭibhayo. Mittadubbhīti pānabhojanadāyakampi
mittaṃ dubbhati 2- hiṃsati. Mātugāmepi eseva nayo.
10. Dutiyakaṇhasappasuttavaṇṇanā
[230] Dasame ghoravisoti kakkhaḷaviso. Dujivhoti dvidhā bhinnajivho.
@Footnote: 2 cha.Ma. harituṃ 3 Sī. dubhati
The Pali Atthakatha in Roman Character Volume 16 Page 91.
http://84000.org/tipitaka/read/attha_page.php?book=16&page=91&pages=1&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=16&A=2028&pagebreak=1
http://84000.org/tipitaka/atthapali/rm_line.php?B=16&A=2028&pagebreak=1#p91
