บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 16 : PALI ROMAN An.A. (manoratha.3) Page 95.
Chakkanipatavannana 1. Pathamapannasaka 1. Ahuneyyavagga 1. Pathamaahuneyyasuttavannana [1] Chakkanipatassa pathame idha bhikkhave bhikkhuti bhikkhave imasmim sasane bhikkhu. Neva sumano hoti na dummanoti ittharammane ragasahagatena somanassena na sumano va anittharammane dosasahagatena domanassena na dummano va hoti. Upekkhako viharati sato sampajanoti majjhattarammane asamavekkhanena 1- annanupekkhaya upekkhakabhavam anapajjitva sato sampajano hutva arammane majjhatto viharati. Imasmim sutte khinasavassa satataviharo kathito. 2. Dutiyaahuneyyasuttavannana [2-4] Dutiye anekavihitam iddhividhantiadini visuddhimagge vuttaneva. Asavanam khaya anasavanti asavanam khayena anasavam, na cakkhuvinnanadinam viya abhavenati. Imasmim sutte khinasavassa abhinna patipatiya 2- kathita. Tatiyacatutthesu khinasavo kathito. 5-7. Ajaniyasuttattayavannana [5-7] Pancame angehiti gunangehi. Khamoti adhivasako. Rupananti ruparammananam. Vannasampannoti sariravannena sampanno. Chatthe balasampannoti kayabalena sampanno. Sattame javasampannoti padajavena sampanno. 8-9. Anuttariyasuttadivannana [8-9] Atthame anuttariyaniti annena uttaritarena rahitani niruttarani. @Footnote: 1 cha.Ma. asamapekkhanena 2 Ma. abhinnapatipatiThe Pali Atthakatha in Roman Character Volume 16 Page 95. http://84000.org/tipitaka/read/attha_page.php?book=16&page=95&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=16&A=2108&modeTY=2&pagebreak=1 http://84000.org/tipitaka/atthapali/rm_line.php?B=16&A=2108&modeTY=2&pagebreak=1#p95
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]